Piran

Na Galipedia, a Wikipedia en galego.
Praza Tartini, Piran

Piran (en italiano Pirano) é unha pequena cidade e concello de Eslovenia, sito na península de Istria, ao pé do Mar Adriático. Conta con 16.758 habitantes. É un municipio bilingüe, no que o esloveno e máis o italiano son idiomas oficiais.

O centro do concello contaba 4.576 habitantes (2002), moradores nunha área de 1 km². Outros importantes núcleos do municipio son Portoroz (Portorose en italiano) e Santa Lucia, que medraron en épocas recentes. Sito no sur de Istria, o concello linda xa con Croacia.

Piran é unha vella e ben conservada cidade mediterránea colocada na punta da península homónima (Punta Madonna en italiano). A cidade é como un grande museo a aire libre, cunha rica arquitectura medieval e unha potente herdanza cultural, proveniente do longo dominio e influencia da República de Venecia.

O centro da vida urbana é a praza de Tartini (Tartinijev trg, en esloveno; Piazza Tartini, en italiano), denominada así en honra do compositor e violinista Giuseppe Tartini (1692-1770), natural da cidade.

Galería de fotos[editar | editar a fonte]

Commons
Commons ten máis contidos multimedia sobre: Piran