Pirámide curvada

Na Galipedia, a Wikipedia en galego.
Pirámide curvada

A pirámide curvada ou pirámide sur de Dahshur, é un monumento funerario ou mausoleo construído por orde do faraón Seneferu en Dahshur, Exipto.

Características[editar | editar a fonte]

Estímase que a súa forma particular é unha tentativa errada de pirámide de caras lisas[Cómpre referencia], a última fase da evolución das pirámides exipcias. Posúe numerosas particularidades e aseméllase en moitos puntos á pirámide erixida polo fillo e sucesor de Seneferu, Jufu, coñecido comunmente como Queóps[Cómpre referencia].

Entre as súas características resalta o feito de que unha das súas dúas entradas non está situada sobre a fachada setentrional, feito único no Imperio Antigo[Cómpre referencia]. Así mesmo, é salientábel tamén o feito de que a pirámide conserva aínda a maior parte do seu recubrimento, o que a converte na pirámide que actualmente está mellor conservada de todo Exipto. No seu interior atópase unha bóveda falsa con apoio nas catro paredes. O complexo funerario revela vestixios dun impoñente templo cuxa rica ornamentación o distingue dos outros monumentos da cuarta dinastía.