Navallón
| Navallón | |||||||||||||||||
|---|---|---|---|---|---|---|---|---|---|---|---|---|---|---|---|---|---|
| |||||||||||||||||
| Clasificación científica | |||||||||||||||||
| |||||||||||||||||
| Nome binomial | |||||||||||||||||
| Pharus legumen (Linnaeus, 1758) | |||||||||||||||||
O navallón (Pharus legumen, Linnaeus 1758) é un molusco bivalvo da familia dos Fáridos (Pharidae), orde Eutherodonta.
Morfoloxía[editar | editar a fonte]
Semella unha navalla pero ten as marxes anterior e posterior redondeadas e entreabertas. Normalmente non supera os 12 cm.
A cuncha é fráxil e equivalva, tomando unha forma oblonga e cilíndrica. A superficie presenta finas liñas concéntricas. A valva dereita ten un dente cardinal prominente, e a esquerda dous moi prominentes; ademais, nas dúas valvas aparece na cara interior unha costela redondeada que chega ata un terzo da distancia entre o bordo superior e a marxe inferior.
A cor é branca sucia, pero o periostraco é verde oliva ou verde amarelado. Interior, branco, e marxe dentada.
Hábitat e bioloxía[editar | editar a fonte]
Vive na zona infralitoral, en bancos de area fina.
Distribúese polo Atlántico, desde as Illas Británicas ata Marrocos.
Resulta pouco abundante e as escasas capturas veñen mesturadas con navallas e longueiróns.
Ríos Panisse recolleu o nome de navallón aplicado tamén a outros moluscos, como a arola ou a propia navalla.
Véxase tamén[editar | editar a fonte]
Bibliografía[editar | editar a fonte]
- RAMONELL, Rosa: Guía dos mariscos de Galicia. Galaxia, Vigo 1985.
- RÍOS PANISSE, M. Carmen: Nomenclatura de la flora y fauna marítimas de Galicia (Invertebrados y peces). Anejo 7 (1977) de Verba.
Outros artigos[editar | editar a fonte]
Ligazóns externas[editar | editar a fonte]
 |
Commons ten máis contidos multimedia sobre: Navallón |