Petisco

Na Galipedia, a Wikipedia en galego.
Típico petisco de champiñóns.

Un petisco, aperitivo ou abreboca é unha pequena rebanda de pan sobre a que se coloca unha pequena ración de comida.

O petisco, denominado en éuscaro pintxo (porque tradicionalmente se suxeitaba a comida ao pan cun escarvadentes, aínda que non sexa unha característica obrigatoria), é un prato típico da gastronomía vasca que se adoita tomar como aperitivo acompañado normalmente dun vaso de viño tinto (chamado txikito) ou de cervexa (chamado zurito). É moi común nas tabernas do País Vasco, Cantabria, Navarra, A Rioxa e nalgunhas zonas de Burgos, como Miranda de Ebro.

Os ingredientes a colocar sobre o pan poden ser practicamente calquera, pero moitas veces son os máis habituais na cociña vasca: peixes (especialmente pescada, bacallau, anchoas, gulas...), tortilla de patacas, pementos recheos, croquetas etc.

O máis habitual adoita ser coller un mesmo o petisco, que se sitúa en bandexas sobre a barra do bar, e comelo de pé mentres se charla cos amigos e bebe o citado zurito ou txikito.

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]