Peter Tosh

Peter Tosh

Biografía
Nacemento	(en) Winston Hubert McIntosh 19 de outubro de 1944 Grange Hill, Xamaica (en)
Morte	11 de setembro de 1987 (42 anos) Kingston, Xamaica
Causa da morte	Homicidio
Lugar de sepultura	Bluefields, Jamaica (en)
Datos persoais
Outros nomes	Peter Tosh Peter M.Tosh
País de nacionalidade	Xamaica
Actividade
Ocupación	guitarrista , artista discográfico , cantautor , teclista
Período de actividade	1961 - 1987
Xénero artístico	Reggae, ska e rocksteady
Lingua	Lingua inglesa
Instrumento	Guitarra, violín, voz, escaleta (pt) , Teclado e percussion (en)
Selo discográfico	Studio One Rolling Stones Records (pt) Columbia Records EMI
Deporte	ciclismo de competición
Premios  Orde do Mérito
Páxina web	petertosh.com

Winston Hubert McIntosh, nado en Westmoreland, Xamaica o 19 de outubro de 1944 e finado o 11 de setembro de 1987 en Kingston, máis coñecido polo seu nome artístico Peter Tosh, foi un músico xamaicano de reggae que formou parte nos seus principios do grupo The Wailers para logo ter unha exitosa carreira como solista, ademais de ser un dos pioneiros do movemento rastafari.

Traxectoria

Peter Tosh naceu en Westmoreland, Xamaica cuns pais demasiado novos como para facerse cargo del. Non coñeceu ó seu pai (James McIntosh) até os dez anos.

Foi criado pola súa tía desde os tres até os quince anos. Pero esta non tivo influencia na súa vida, como asegurou el mesmo a Roger Steffens nunha entrevista: "Eu tiña tres anos fisicamente, pero cincuenta anos de mentalidade". Músico, cantante, compositor, rebelde e ávido promotor da legalización da marihuana, Tosh marcou a escena musical xamaicana, tanto coma membro fundador dos Wailers, banda que acompañaba a Bob Marley, coma coa súa carreira solista. O seu talento non se limitaba ás súas habilidades vocais xa que tamén foi un excelente guitarrista.

Alcumado Stepping Razor, iniciou a súa carreira como músico durante a década dos 60 tocando coa súa banda ou para outros artistas pop do momento como Johnny Nash. Despois dunha ilustre carreira con The Wailers e como músico solista, foi asasinado na súa casa durante un roubo.