Peter Doig

Na Galipedia, a Wikipedia en galego.
Peter Doig - 'No Foreign Lands' Presser - 2013-08-01.jpeg

Peter Doig, nado en Edimburgo o 17 de abril de 1959, é un pintor escocés.

Traxectoria[editar | editar a fonte]

En 1962 foi vivir coa súa familia a Trindade e Tobago, e en 1966 foi a Canadá. Regresou ao Reino Unido en 1979, indo estudar en Wimbledon School of Art, en St Martin's School of Art e, máis tarde, na Chelsea School of Art, onde recibiu un MA. En 2002 volveu a Trindade, onde abriu un estudo cerca de Porto España, e pasou a ser profesor na Academia de Belas Artes de Düsseldorf (Alemaña).

A súa obra consiste, moitas veces, en paisaxes, ás veces reminiscentes da súa infancia e xuventude pasada en Canadá e inspiradas por fotografías, aínda que sen ser no estilo foto-realista. A súa pintura revela influencias de pintores impresionistas , postimpresionistas e expresionistas, como Claude Monet e Edvard Munch.

O traballo de Doig capturar momentos de tranquilidade, que contrastan cos elementos oníricos. O pintor emprega combinacións de cores e presenta escenas de ángulos inesperados, contribuíndo a dar á súa obra unha sensación de realismo máxico. As súas pinturas representan, moitas veces, lagos con canoas, cabanas perdidas nos bosques e esquiadores en escenarios montañosos.