Peseta saharaui

Peseta saharaui
البيزيتا الصحراوي (árabe)
Código:	ESP
Ámbito:	Sáhara Occidental
Símbolo:	₧ ou Ptas
Fracción:	100 céntimos
Moedas:	1, 2, 5 y 50 pesetas (no conmemorativas)
Billetes:	non existen
Emisor:	Fronte Polisario
Taxa de troco: fixa	1 EUR = 166,386 EHP

A peseta saharaui (en árabe البيزيتا الصحراوي) é a moeda de iure da República Árabe Saharauí Democrática dende a sinatura dos Acordos de Madrid en 1975.

A pesar de que esta moeda non ten carácter oficial, ten asignado o código ISO 4217 EHP. Divídese en 100 céntimos, aínda que non se acuñaron nunca moedas con estas denominacións, así como billetes en pesetas saharauis.

Ao ser un territorio ocupado por Marrocos, a moeda que circula no territorio do Sáhara Occidental é o dirham marroquí, xunto á uquiya mauritana en menor medida.

Ao non ser unha moeda oficial nin recoñecida, non existe unha taxa de troco para a peseta saharaui. Sen embargo, tralos Acordos de Madrid, o goberno da República Árabe Saharaui Democrática fixou o seu valor como paritario á peseta española, cunha taxa de troco de 1 ESP = 1 EHP; e actualmente cunha paridade fixa co euro de 1 EUR = 166,386 EHP.

Moedas

As moedas non conmemorativas acuñadas polo Fronte Polisario son de 1, 2, 5 e 50 pesetas, todas elas de cuproníquel:

Denominación	Emisión	Metal	Diámetro (mm.)	Peso (gr.)	Anverso	Reverso
1 Peseta	1992	Cu+Ni	17,00	2,99	Beduíno e dromedario TRANSPORTE TIPICO النقل التقليدي	Valor facial Escudo de armas REPUBLICA ARABE SAHARAUI DEMOCRATICA
2 Pesetas	1992	Cu+Ni	20,00	3,51	Beduíno e dromedario TRANSPORTE TIPICO النقل التقليدي	Valor facial Escudo de armas REPÚBLICA ÁRABE SAHARAUI DEMOCRÁTICA
5 Pesetas	1992	Cu+Ni			Beduíno e dromedario TRANSPORTE TIPICO النقل التقليدي	Valor facial Escudo de armas REPÚBLICA ÁRABE SAHARAUI DEMOCRÁTICA
50 Pesetas	1990	Cu+Ni			Beduíno e dromedario TRANSPORTE TIPICO النقل التقليدي	Valor facial Escudo de armas REPÚBLICA ÁRABE SAHARAUI DEMOCRÁTICA

As demais denominacións acuñadas son pezas conmemorativas ou temáticas, por exemplo:

• 

  100 pesetas en cobre. Temática de animais prehistóricos

• 

  40.000 pesetas en ouro. 15º aniversario das relacións diplomáticas con Venezuela