Perspectiva isométrica

Na Galipedia, a Wikipedia en galego.

Unha proxección isométrica é unha forma de proxección gráfica, máis específicamente unha axonométrica cilíndrica ortogonal. Constitúe unha representación visual dun obxecto tridimensional en dúas dimensións, na que os tres eixes espaciais definen ángulos de 120º e as dimensións da realidade mídense nunha mesma escala sobre cada un deles. A isometría é unha das formas de proxección utilizada en debuxo técnico que ten a vantaxe de permitir a representación a escala, e a desvantaxe de non reflectir a diminución aparente de tamaño -proporcional á distancia- que percibe o ollo humano.