Pepe Viyuela
  | |
| Biografía | |
|---|---|
| Nacemento | (es) José Viyuela Castillo 2 de xuño de 1963 (60 anos)Logroño, España |
| Datos persoais | |
| País de nacionalidade | España |
| Educación | Universidade Autónoma de Madrid Real Escuela Superior de Arte Dramático |
| Actividade | |
| Ocupación | actor , artista de circo , poeta , Pallaso , actor de televisión |
| Lingua | Lingua castelá |
    | |
José Viyuela Castillo, nado en Logroño o 2 de xuño de 1963, máis coñecido como Pepe Viyuela, é un actor, pallaso, poeta e humorista rioxano licenciado en Filosofía.
Traxectoria[editar | editar a fonte]
Amais de Filosofía, Viyuela estudou Arte dramática[1], iniciándose no mundo da interpretación con parodias con obxectos e sen palabras. A súa primeira aparición televisiva foi en Un, dos, tres...responda otra vez como humorista, coa súa famosa frase «Pero, ¿esto qué es?», e co seu número máis coñecido, no que se vía atrapado por unha cadeira pregable.
Como actor traballou con Julio Medem en Tierra (1995). Posteriormente interpretou a Filemón nas dúas películas baseadas en Mortadelo e Filemón: La gran aventura de Mortadelo y Filemón (Javier Fesser, 2003) e Mortadelo y Filemón. Misión: Salvar la Tierra (Miguel Bardem, 2008). En teatro participou no Festival de Teatro Clásico de Mérida, con Androcles y el león (1999), de George Bernard Shaw, Rómulo el grande (2005), de Friedrich Dürrenmatt e Miles Gloriosus (2008), de Plauto. En 2009 protagonizou, xunto a Teté Delgado, El pisito. En televisión participou na serie Aída no papel de Chema o tendeiro. Fixo papel de dobraxe ao castelán en Open Season.
En 2003 publicou a novela Bestiario del circo, con prólogo de Andrés Aberasturi. Gañou a segunda edición do Premio Internacional de Poesía Margarita Hierro co seu primeiro poemario, Y amarte sin saber. A obra consta de 51 poemas e está dedicada a Margarita Hierro e a Manolo Romero, cunha ilustración na portada de José Hierro. En 2008 publicou o seu segundo poemario, Las letras de tu nombre[2].
É vicepresidente da ONG Payasos Sin Fronteras e socio honorífico da ONG Amigos de la Tierra.
Filmografía[editar | editar a fonte]
- Tierra (Julio Médem, 1996).
- El milagro de P. Tinto (Javier Fesser, 1998).
- La gran aventura de Mortadelo y Filemón (Javier Fesser, (2003).
- Di que sí (Juan Calvo, 2004).
- Escuela de seducción (Javier Balaguer, 2004).
- Mortadelo y Filemón. Misión: Salvar la Tierra (Miguel Bardem, 2008).
Televisión[editar | editar a fonte]
- "Hogar cutre hogar", sketches dentro do programa e sección Pero ¿esto qué es? (1991).
- Un, dos, tres... responda otra vez (1993-2004).
- Manos a la obra (1997).
- Aída (Telecinco, 2005-) como Chema.
- En clave de Ja (Televisión Canaria, 2010).
- Museo Coconut (Neox, 2010-) como o Ministro de Agricutura y Pesca.
Notas[editar | editar a fonte]
- ↑ Entrevista a Pepe Viyuela
- ↑ "Pepe Viyuela publica 'Las letras de tu nombre', su segundo poemario", artigo en www.larioja.com (en castelán).
