Pemento de Arnoia

Na Galipedia, a Wikipedia en galego.
Pementos de Arnoia recheos de tortilla.

O pemento de Arnoia é unha variedade de pemento (Capsicum annuum L.) denominación de orixe protexida, orixinaria do concello ourensán de Arnoia e cultivada principalmente ao longo da comarca do Ribeiro. Unha cooperativa comezou a comercializalos no ano 1969, e aproveitando a concentración da oferta, celébrase dende entón a festa do pemento de Arnoia, declarada de interese turístico, a primeiro fin de semana (de xoves a domingo) do mes de agosto.

Descrición[editar | editar a fonte]

Os pementos de Arnoia son dunha forma cónica e grandeira. A súa cor é verde-amarelenta clara cando son destinados ao consumo en fresco e de cor vermella intensa nos froitos maduros destinados principalmente á transformación. O seu sabor e arume é suave e senlleiro, a diferenza dos pementos de Padrón, carecen de picazón algunha.

Adoitan ter un peso de entre 50 e 90 gramos por unidade cando o froito é verde e entre 120 e 145 gramos cando o froito é maduro. A súa lonxitude é de entre 7,5 e 11 cm no froito verde e 11,5 e 13,5 no froito maduro, o espesor da súa parede ou carne é de entre 2,6 e 7,7 mm para o froito verde e de entre 2,8 e 9,5 mm no froito maduro.

Zona xeográfica[editar | editar a fonte]

A zona de produción coincide coa de acondicionamento e envasado, estando constituída polo termo municipal da Arnoia e pola parroquia de Meréns, pertencente ao concello de Cortegada. A calidade do produto está avaliada por un consello regulador provisorio, presidido por Rodrigo Aparicio Santamaría.

Tradición culinaria[editar | editar a fonte]

Grazas ao seu tamaño, aínda que poden servir de acompañamento en calquera prato, asados, pelados ou fritidos na tixola, admiten recheos de diversas misturas.

Véxase tamén[editar | editar a fonte]

Outros artigos[editar | editar a fonte]