Peixe ichavo

Na Galipedia, a Wikipedia en galego.
Peixe ichavo
Capros aper no Acuario de Milán
Capros aper no Acuario de Milán
Clasificación científica
Reino: Animalia
Filo: Chordata
Clase: Actinopterygii
Orde: Perciformes
Familia: Caproidae
Xénero: ''Capros''
Lacépède, 1802
Especie: ''C. aper''
Nome binomial
''Capros aper''
(Linnaeus, 1758)[1]

O peixe ichavo (Capros aper, Linnaeus 1758) é un peixe mariño da familia Caproidae, da orde dos Perciformes. O nome vénlle da forma redondeada, por similitude co oitavo, antiga moeda española que valía dous marabedís e que deixou de correr a mediados do século XIX.

Morfoloxía[editar | editar a fonte]

Peixe ichavo
Capros aper aquarium.jpg

Trátase dun peixe pequeno, de 5-13 cm de lonxitude aínda que pode acadar tallas de 30 cm (FishBase). O corpo é alto e comprimido lateralmente (a altura vén sendo os 2/3 da lonxitude). Os ollos son grandes e a boca moi protráctil, formando un curto tubo cando está protuída, co fociño tan longo ou máis que o diámetro do ollo; o perfil da cabeza sobre os ollos é cóncavo.

Posúa unha aleta dorsal dividida en dúas partes diferenciadas, a primeira con 9-10 radios espiñosos altos e destacados, e a segunda con 23-25 radios brandos dorsales. Tamén a aleta anal divídese en tres radios espiñosos, pequenos e robustos, e 22-24 radios brandos (a forma e zona inserción da parte de radios brandos de ambas aletas son simétricas). Aletas pectorais arredondadas.

A cor é tipicamente avermellada ou rosada, algunhas veces con bandas transversais ameralas. As femias adoitan ter unha coloración máis escura que os machos.

Hábitat e bioloxía[editar | editar a fonte]

Distribúese pola costa oriental do Atlántico, entre os 10º e os 62º Norte. Vive a profundidades de 40 a 700 metros aínda que habitualmente o fai entre os 100 e os 400 m, sobre fondos rochosos. De hábitos gregarios, forma grandes bancos.

Ríos Panisse só localizou este peixe en Noia, co nome de carnaval (que atribúe á cor vermella, os ollos grandes e a boca protráctil); Laxe, co nome de lus (que atribúe a similitude coa luz vermella de estribor) e en Cedeira e Sada, co nome de reló (pola forma redondeada).

Notas[editar | editar a fonte]

Véxase tamén[editar | editar a fonte]

Bibliografía[editar | editar a fonte]

  • RÍOS PANISSE, M. Carmen: Nomenclatura de la flora y fauna marítimas de Galicia (Invertebrados y peces). Anejo 7 (1977) de Verba.
  • RODRÍGUEZ VILLANUEVA, X. L., e VÁZQUEZ, Xavier: Peixes do mar de Galicia III. Edicións Xerais de Galicia, Vigo 1995.

Ligazóns externas[editar | editar a fonte]

Commons
Commons ten máis contidos multimedia sobre: Peixe ichavo