Pedro Muñoz Seca

Na Galipedia, a Wikipedia en galego.
Estatua do escritor

Pedro Muñoz Seca, nado en El Puerto de Santa María (Provincia de Cádiz) o 20 de febreiro de 1879 e finado en Paracuellos de Jarama o 28 de novembro de 1936, foi un escritor e autor de teatro.

Traxectoria[editar | editar a fonte]

Estudou bacharelato no colexio xesuíta San Luis Gonzaga da súa vila natal, xunto a Juan Ramón Jiménez e Fernando Villalón. Estudou Filosofía e Letras na Universidade de Sevilla, licenciándose en 1901. Nesta cidade coñeceu o mundo do teatro. Alí estreou Las Guerreras, e en 1903 o sainete El Maestro Canillas en El Puerto de Santa María.

Marchou a Madrid en 1904, onde estreou a súa primeiras obra, El Contrabando, no teatro Lara, escrita en colaboración con Sebastián Alonso. En Madrid traballou de profesor de grego, latín e hebreo. En 1908 comezou a traballar no Ministerio de Fomento.

Casado en 1908 con Asunción Ariza Diez de Bulnes. É avó do escritor Alfonso Ussía.