Pedúnculo

Na Galipedia, a Wikipedia en galego.

En botánica chámase pedúnculo ou pedicelo ao rabecho que sostén unha inflorescencia ou un froito trala súa fecundación.

Pedúnculo dunha flor

Posúe a estrutura dun talo e é responsable da sustentación e condución do zume ás flores. Conéctase co raque da inflorescencia na base. Raramente presenta ramificacións ou estruturas de orixe foliar. Na súa ausencia, as flores son sésiles. Unha compresión ou cambios na consistencia do pedicelo poden influír nas características reprodutivas das flores.