Pazo das Torres de Cereixo
| Pazo das Torres de Cereixo | |
|---|---|
 | |
| Concello | Vimianzo |
| Provincia | A Coruña |
| Comunidade | Galiza |
| Coordenadas | 43°07′57″N 9°07′37″O / 43.132362, -9.127056Coordenadas: 43°07′57″N 9°07′37″O / 43.132362, -9.127056 |
| Estilo arquitectónico | |
| Estilo actual | (século XVI) |
| Estado actual | En bo estado |
| Véxase tamén | |
| Pazos de Galicia | |
| [ editar datos en Wikidata ] | |
O pazo das Torres de Cereixo é un conxunto monumental da vila de Cereixo, no concello de Vimianzo.
Descrición[editar | editar a fonte]
As torres do século XVI, flanquean o corpo do predio no que se abre unha porta, de arco semicircular, no que hai un grande escudo ovoide rodeado de dezaoito bandeiras floriseladas. O escudo está coroado e timbrado co M dos Montenegro. Entre os oito cuarteis pódense ver os brasóns dos Bermúdez, os dos Castro de Lemos, as faixas horizontais dos Soutomaior, as aspas e o Ave María dos Mendoza, as follas de figueira dos Figueroa e a banda engolada en dúas cabezas de dragón dos Andrade.[1]
No lateral do edificio existen outros tres escudos empotrados entre os que se distinguen os emblemas dos posuidores máis antigos das torres: a cabeza de lobo dos Moscoso, as mans de Carantoña, o piñeiro dos Caamaño e a torre de Guisamonte.[1]
Nas proximidades das portas das torres atópase un carballo centenario. Esta árbore cobre toda a praza coa súa arboradura xigantesca e para abranguelo precísanse unhas catro persoas.[1]
O pazo foi declarado como Ben de Interese Cultural. É de propiedade privada e en 2011 foi posto á venda por 4,5 millóns de euros[2].
Ao carón deste pazo pasa a 6ª etapa do Camiño dos Faros.[3]
Notas[editar | editar a fonte]
- ↑ 1,0 1,1 1,2 "As Torres de Cereixo". Consultado o 03-08-2016.
- ↑ "Las Torres de Cereixo están a la venta por 4,5 millones". La Voz de Galicia (en castelán). 01-05-2011. Consultado o 03-08-2016.
- ↑ Camiño dos Faros. "CEREIXO". Consultado o 17 de xuño do 2021.
Véxase tamén[editar | editar a fonte]
Outros artigos[editar | editar a fonte]
Ligazóns externas[editar | editar a fonte]
- Pazo das Torres de Cereixo na páxina web colaborativa Patrimonio Galego.