Pavillón Multiusos Fontes do Sar

Coordenadas: 42°52′34″N 08°31′50″W / 42.87611°N 8.53056°W / 42.87611; -8.53056

**Multiusos Fontes do Sar**
Datos
Exterior Interior

Localización	Santiago de Compostela, Galicia
Inauguración	1998
Capacidade	5.060 (fútbol sala) 6.050 (baloncesto) 9.000 (concertos)
Propietario	Concello de Santiago de Compostela
Localía	Obradoiro CAB (ACB) Santiago Futsal (LNFS)
Eventos
Ningún

O Pavillón Multiusos Fontes do Sar é un pavillón cuberto multiusos, situado en Santiago de Compostela e construído en 1998. Pertence ao concello capitalino, e está xestionado pola sociedade mixta XADE. Ten un aforo de 5.060 espectadores (6.050 coa instalación de gradas supletoria e 9.000 para concertos).

Serve de feudo aos equipos Santiago Futsal de fútbol sala, Blusens Monbus Obradoiro de baloncesto, e ao Arteal de tenis de mesa.

Ten 10.000 m² de superficie e conta cun amplo ximnasio público. Nos exteriores ten piscinas ao ar libre e 700 prazas de aparcadoiro. Está situado na rúa de Diego Bernal s/n.

Índice

1 Afluencia de espectadores
- 1.1 Eventos deportivos
- 1.2 Eventos culturais
2 Galería de imaxes
3 Notas
4 Véxase tamén
- 4.1 Outros artigos
- 4.2 Ligazóns externas

Afluencia de espectadores [editar]

Eventos deportivos [editar]

A afluencia media de seareiros que acudiron ós encontros do Obradoiro CAB na ACB 2009-10 foi de 5509 persoas, con máximos de 6050 espectadores (fronte ó FC Barcelona). No seguinte ano, co equipo na LEB Ouro 2010-11, a media baixou a 4297 persoas.^[1] De volta na Liga ACB, na tempada 2011-12 a media de seareiros no pabillón medrou ata os 5241.

Pola súa banda, o Lobelle FS tivo 2353 espectadores de media nos seus encontros da LNFS 2010-11, con máximos de 3900 persoas (fronte ó ElPozo Murcia).^[2] Na tempada 2011-12 a media baixou ós 1700 espectadores, cun máximo de 3500 persoas.

Eventos culturais [editar]

En abril de 2010 mais de 5000 persoas asistiron sentadas a cada unha das 8 actuacións do Cirque du Soleil co seu espectáculo Saltimbanco no Multiusos do Sar.^[3]

Nos numerosos concertos que cada ano se levan a cabo no recinto, como os de Mark Knopfler, Joaquín Sabina, David Bisbal, Dover, Alice Cooper, Cypress Hill, Miguel Bosé, etc, a afluencia de xente ten variado dende as 9000 persoas que asistiron ó concerto de Chayanne en agosto de 2010, ós 5000 que foron a ver a The Wailers en febreiro de 2009.