Pausanias (xeógrafo)

Para outras páxinas con títulos homónimos véxase: Pausanias.

Pausanias (en grego antigo Παυσανίας Pausanías), chamado o Periéxeta, foi un xeógrafo e viaxeiro da Antigüidade. Naceu segundo as suposicións actuais en Magnesia do Sípilo (Lidia) sobre o ano 115, morreu en Roma sobre o ano 180.

Traxectoria

Pausanias explora a Grecia antiga, a Macedonia romana, Italia, Asia e África antes de vivir en Roma sobre o 174. Alí escribe unha Descrición de Grecia (Περιήγησις / Periêgêsis [Hellados]), ou Periexese, en dez libros. Á maneira dunha guía de viaxes moderna dá, segundo transcorre o seu itinerario, a lista detallada dos lugares que visita (entre as que destaca a descrición de Delfos) e as lendas que están en relación con eles. O historiador Paul Veyne chega a dicir na súa obra Les Grecs ont-ils cru à leurs mythes ? (1983) :

Pausanias est l'égal d'un philologue ou d'un archéologue allemand de la grande époque ; pour décrire les monuments et raconter l'histoire des différentes contrées de la Grèce, il a fouillé les bibliothèques, a beaucoup voyagé, a tout vu de ses yeux. (...) La précision des indications et l'ampleur de l'information surprennent, ainsi que la sûreté du coup d'œil.

Pausanias é o equivalente dun filólogo ou un arqueólogo alemán da época dourada; para describir os monumentos e contar a historia dos diferentes países de Grecia, investigou nas bibliotecas, viaxou moito, veuno todo cos seus ollos. (...) A precisión das indicacións e a amplitude da información sorprenden, así como a seguridade da súa mirada.

A obra de Pausanias ´e así un testemuño de primeira importancia sobre Grecia en época romana, en particular para o século II, mesmo se Pausanias se comprace a miúdo en mesturar a historia e a mitoloxía. Numerosas escavacións arqueolóxicas teñen confirmado en moitas ocasións a veracidade das súas informacións, sobre todo no que atinxe os xacementos históricos e as obras de arte que contiñan.

A Descrición está composta do seguinte xeito:

• libro I : Ática e Megara.

• libro II : Corinto, Argólida, así como Exina e as illas que a rodean.

• libro III : a Laconia.

• libro IV : a Mesenia.

• libro V : Élida e Olimpia.

• libro VI : Élida (2ª parte).

• libro VII : Acaia.

• libro VIII : Arcadia.

• libro IX : Beocia.

• libro X : Fócide e Lócrida.

Véxase tamén

Bibliografía

• Jacques Lacarrière, Promenades dans la Grèce antique, Hachette, 1978.

Artigos relacionados

• Descrición de Delfos por Pausanias

Ligazóns externas

• Bibliografía sobre Pausanias na páxina da Universidade de Lille 3 (en francés)

• APeriexese traducida ao francés por Gédoyn (1794) en mediterranees.net (en francés)

• A Periexese na tradución francesa de Clavier (1821), en remacle.org (en francés)