Paulo I Pedro Masad
  | |
| Biografía | |
|---|---|
| Nacemento | 15 de febreiro de 1806 Ashqout (en)  |
| Morte | 18 de abril de 1890 (84 anos) Bkerké (en) |
| Bispo titular | |
| Diocese: Arquidiocese de Tarso (pt) | |
| Datos persoais | |
| País de nacionalidade | Líbano Imperio Otomán |
| Relixión | Igrexa católica e Igrexa católica maronita |
| Actividade | |
| Ocupación | bispo católico (1841–), sacerdote católico (1830–) |
| Consagración | Xosé VIII Pedro Hubaix |
Paulo I Pedro Masad[1] (en árabe: بولس بطرس مسعد, Bulus Butrus Mas'ad), nado en Axqut (Líbano) o 16 de febreiro de 1806 e finado o 18 de abril de 1890, foi o 70º Patriarca de Antioquía e de todo Levante dende o 12 de novembro de 1854 até o seu pasamento, e polo tanto cabeza da Igrexa Católica Maronita.
Traxectoria[editar | editar a fonte]
Bulus Masad naceu en Axqut, no distrito de Kisruan, o 15 de febreiro de 1806.[2] Traballou como pastor cando era pequeno, e logo de rematar a educación básica entrou no seminario en Aïn-Ourakat.[2] Aos 18 anos foi enviado ao seminario de Propaganda Fide.[2] Foi ordenado sacerdote o 13 de xuño de 1830.
Á súa volta ao Líbano, exerceu de secretario do patriarca Xosé VIII Pedro.[2] En 1841 foi nomeado vigairo patriarcal, e consagrado bispo titular de Tarso o 28 de marzo de 1841 polo patriarca Xosé VIII Pedro.[2]
Á morte de Xosé IX Pedro, o sínodo dos bispos maronitas elixiuno patriarca o 12 de novembro de 1854. Durante o seu pontificado tivo que afrontar situacións moi complicadas, como as revoltas campesiñas contra os xeques, os masacres de 1860, e a guerra de independencia de Yusif Karam;[2] a súa intelixencia e prudencia foron determinantes ante estes acontecementos.[2]
Publicou unha historia dos maronitas, un escrito sobre a virxindade perpetua de María, e unha refutación dos escritos de Marach.[2] Exerceu o cargo até a súa morte o 18 de abril de 1890, e foi enterrado na igrexa da súa vila natal segundo os seus desexos.[2]
Notas[editar | editar a fonte]
Véxase tamén[editar | editar a fonte]
Bibliografía[editar | editar a fonte]
- "S. B. Pierre-Paul Massaad, Patriarche des Maronites, et l'Église maronite". Les Missions catholiques (Lión: Oeuvre pontificale missionnaire de la Propagation de la foi) 22: 274–276. 1890. ISSN 2021-4243. OCLC 5868627.
| Dignidades da Igrexa católica | ||
|---|---|---|
| Predecesor: Xosé IX Pedro al-Khasin |
Patriarca de Antioquía e todo o Levante 1854 - 1890 |
Sucesor: Xoán XII Pedro al-Hax |
