Paul Gervais

Na Galipedia, a Wikipedia en galego.
Paul Grevais.

François Louis Paul Gervais, nado o 26 de setembro de 1816 em París e falecido na mesma cidade o 10 de febreiro de 1879, foi un paleontólogo e entomólogo francés.

Traxectoria[editar | editar a fonte]

Gervais naceu en París, cidade onde estudou e onde se doutorou en ciencias naturais e en medicina.

En 1835 empezou a súa investigación paleontolóxica como axudante no laboratorio de anatomía comparada no Museo Nacional de Historia Natural de Francia.

En 1841 obtivo a cátedra de zooloxía e anatomía comparada na Facultade de Ciencias de Montpellier, da cal foi elixido decano en 1856.

Entre en 1848 e 1852 publicou a súa importante obra Zoologie et paléontologie françaises, que suplementaban as publicacións paleontolóxicas de Georges Cuvier e Henri Marie Ducrotay de Blainville. Unha segunda edición, moi mellorada, publicouse en 1859.[1]

En 1856 aceptou a cátedra de zooloxía na Sorbona, vacante despois da morte de Louis Pierre Gratiolet. Deixou este posto en 1868 para aceptar a dirección da sección de anatomía comparada no Museo Nacional de Historia Natural de París, cuxas coleccións anatómicas foron moi enriquecidas grazas ao seu traballo.[1]

Obras[editar | editar a fonte]

Algunhas das principais obras publicadas por Gervais son:[1]

  • Histoire naturelle des insectes. 4 vols., 1836-1847 (con Charles Athanase Walckenaer)
  • Zoologie et paléontologie françaises. 1848-1852
  • Histoire naturelle des Mammifères. 1853
  • Zoologie médicale. 1859 (con Pierre-Joseph van Beneden)
  • Recherches sur l'ancienneté de l'homme et la période quaternaire. 1867
  • Zoologie et Paléontologie générales. 1867
  • Ostéographie des cétacés vivants et fossiles. 1869 (con Pierre-Joseph van Beneden)

Abreviatura[editar | editar a fonte]

A abreviatura Gervais emprégase para indicar a Paul Gervais como autoridade na descrición e taxonomía en zooloxía.

Notas[editar | editar a fonte]

  1. 1,0 1,1 1,2 Chrisholm, Hugh, ed. (1911): "Gervais, Paul". Encyclopædia Britannica 11 (11th ed.). Cambridge University Press. p. 907.

Véxase tamén[editar | editar a fonte]

Bibliografía[editar | editar a fonte]

  • David M. Damkaer (2002): The copepodologist's cabinet: a biographical and bibliographical history [Premier volume. Aristotle to Alexander von Nordmann: (330 B.C. à A.D. 1832)], American Philosophical Society (Philadelphie), colección Memoirs of the American Philosophical Society held at Philadelphia for promoting useful knowledge. ISBN 0-87169-240-6.