Pascal Yoadimnadji
| Biografía | |
|---|---|
| Nacemento | 8 de abril de 1950  Béboto, Chad (en)  |
| Morte | 23 de febreiro de 2007 (56 anos) 5.º arrondissement de Paris, Francia (pt) |
| Causa da morte | Morte natural (Hemorraxia cerebral ) |
| Primeiro ministro do Chad | |
| 3 de febreiro de 2005 – 23 de febreiro de 2007 | |
| Datos persoais | |
| País de nacionalidade | Chad |
| Actividade | |
| Ocupación | político , avogado |
| Partido político | Patriotic Salvation Movement (en) |
| Lingua | Árabe e lingua francesa |
Pascal Yoadimnadji, nado en 1950? en Beboto, rexión de Logone Oriental (no sur do Chad) e finado o 23 de febreiro de 2007 en París, foi o primeiro ministro do Chad dende o 4 de febreiro de 2005 até a súa morte.[1] Era membro do grupo étnico Gor.[2]
Pascal Yoadimnadji foi designado primeiro ministro polo Presidente Idriss Déby o 4 de febreiro de 2005 tras a renuncia de Moussa Faki.[2] Previamente, Yoadimnadji fora ministro de agricultura desde xullo de 2004. Tamén rexeu como director do comité electoral durante a elección presidencial de 1996, e como presidente do Consello Constitucional do Chad, como tamén foi avogado.
O 21 de febreiro de 2007, Yoadimnadji sufriu un accidente cardiovascular, e caeu en coma. Foi trasladado a Francia para recibir tratamento médico. Morreu de hemorraxia cerebral o 23 de febreiro nun hospital en París. Déby declarou 4 días de loito nacional tras o seu pasamento.
Notas[editar | editar a fonte]
- ↑ Valery Gottingar, "Curriculum vitae de Monsieur Pascal Yoadimnadji", Páxina do goberno do Chad (páxina arquivada), 23 de febreiro 2007 (en francés).
- ↑ 2,0 2,1 "Prime Minister resigns after civil servant strikes", IRIN, 4 de febreiro de 2005.