Partido Comunista dos Traballadores Portugueses / Movemento Re-organizativo do Partido do Proletariado

Na Galipedia, a Wikipedia en galego.
Logotipo do PCTP.

O Partido Comunista dos Traballadores Portugueses / Movemento Re-organizativo do Partido do Proletariado (abreviado PCTP/MRPP) é un partido político de Portugal, de inspiración maoísta.

Historia[editar | editar a fonte]

O PCTP/MRPP foi fundado o 26 de decembro de 1976 a partir do MRPP. Este foi fundado o 18 de setembro de 1970, tendo como secretario xeral a Arnaldo Matos.

O seu órgano de expresión é o Luta Popular, cuxa primeira edición foi lanzada en 1971. O MRPP foi un partido moi activo antes do 25 de abril de 1974, especialmente entre estudantes e operarios de Lisboa. O MRPP -como o PCTP- gañou fama coas súas grandes e vistosas pinturas murais. Desenvolveu unha grande actividade durante 1974 e 1975. Nesa altura contaba entre os seus militantes a persoas que máis tarde chegarían a cobrar gran relevo na política portuguesa, como José Manuel Durão Barroso e Fernando Rosas.

Tras o 25 de abril, o MRPP foi acusado polo Partido Comunista Portugués de ser subsidiado pola CIA. Esta crenza baseouse na cooperación entre o MRPP e o Partido Socialista, durante o chamado Verán quente.

A partir do 26 de decembro de 1976, o MRPP, despois do seu congreso, pasou a designarse PCTP/MRPP. O seu líder histórico é Arnaldo Matos. O primeiro director do Luta Popular na fase legal foi Saldanha Sanches. O actual líder é Luís Franco. O membro máis coñecido do Comité Central é António Garcia Pereira.

Algúns antigos militantes[editar | editar a fonte]

Mural do MRPP para as eleccións de 1975.

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]