Partido Aragonés

Na Galipedia, a Wikipedia en galego.
(Redirixido desde "Partido Aragonés Regionalista")
Partido Aragonés
Partido político de Aragón
Mocidades Rolde Choben-Jóvenes del PAR
Filiación internacional Non ten
Historia
Fundación 27 de xaneiro de 1977
Posicións políticas
Ideoloxía Rexionalismo aragonés
Outros datos
Sede Coso, 87 - 50001 Zaragoza
Páxina web Paxina oficial

O Partido Aragonés (PAR) é unha formación política fundada o 27 de decembro de 1977, a súa presenza e actividade foi moi importante na política aragonesa durante case trinta anos, dos cales doce formou parte do Goberno de Aragón.

Actualmente (2005), Aragón gobérnase grazas a un acordo PSOE - PAR, que outorga ao Partido Aragonés a vicepresidencia e catro consellerías (Presidencia, Industria, Medio Ambiente e Servizos Sociais).

En sucesivos congresos, este partido definiuse como nacionalista moderado e de centro, e denominouse Partido Aragonés Regionalista ata 1990. O seu obxectivo, segundo sinalan os seus estatutos, é "lograr cantos fins promovan e permitan a defensa e o arriquecemento socioeconómico e cultural de Aragón".

Institucionalmente, está presente (2005) no Goberno de Aragón, as Cortes de Aragón con 8 deputados, o Senado e 907 concelleiros.

O PAR respecta o marco constitucional español, aínda que reclama o recoñecemento os dereitos históricos e unha autonomía plena (cun sistema de financiamento suficiente) para Aragón.

As cuestións de política hidráulica foron claves na acción do PAR, a través do seu rexeitamento ao trasvase do río Ebro incluído en sucesivos plans hidrolóxicos españois e a súa reivindicación das obras para o aproveitamento da auga en Aragón.


A súa organización xuvenil é o Rolde Choben - Jóvenes del PAR

Figuras relevantes do PAR foron o seu primeiro presidente, Hipólito Gómez de las Roces, que presidiu o Goberno de Aragón entre 1987 e 1991; o seu secretario xeral en distintas épocas e presidente do Goberno de Aragón de 1991 a 1993, Emilio Eiroa; o seu presidente en diversos períodos e actual senador, José María Mur Bernad; ou entre outros, o seu actual (2005) presidente desde o 2000 e vicepresidente do Goberno de Aragón, José Ángel Biel Rivera.