Parres

Parres

Bandeira
Localización
43°21′31″N 5°11′05″O
Estado	España
Comunidade autónoma	Asturias
Provincia	provincia de Asturias
Capital	Les Arriondes
Poboación
Poboación	5.208 (2023) (41,31 hab./km²)
Xeografía
Parte de	Q5991230 Mancomunidade dos Concellos do Oriente de Asturias
Superficie	126,08 km²
Comparte fronteira con	Piloña Cangas de Onís Amieva Ribeseya Colunga Caravia Ponga
Organización política
• Mayor of Parres (en)	José Marcos Gutiérrez Escandón
Identificador descritivo
Código postal	33540
Fuso horario	UTC+01:00
Código INE	33045
Outro
Irmandado con	Inzinzac-Lochrist
Páxina web	ayto-parres.es

Parres é un concello de Asturias. Linda polo norte con Caravia e Ribadesella, polo leste con Cangas de Onís, polo oeste con Piloña e Colunga e polo sur con Amieva. A capital do concello é localidade de Arriondas. A poboación en 2013 atinxía un total de 5.615 habitantes.

Xentilicio

A denominación do habitantes é parragués / parraguesa.

Xeografía

Vista da serra de El Sueve.

Parres ocupa unha área de 126,08 km². O terreo é moi montañoso e abrupto, salvo quizais a parte central, con pequenos vales orientados en todas as direccións. Pódese afirmar que a rede de montes do concello é complicada, pola variedade de cordais e cumios de alturas diversas que ocupan o concello. Polo norte aparecen unha serie de cumes e serras moi característicos de Asturias, como son a Serra de El Sueve co pico Pienzo á cabeza (1.159 m), a serra de Llavallos, a de Calabrez e o pico Moro no extremo nordeste. Na parte central, porén, contrasta a suavidade da zona, que é a parte menos abrupta do concello, pero na que cómpre destacar a mota Cea e Cetín (1.068 m).

Hidrografía

A rede hidrográfica ten dous ríos salientábeis:o Piloña, que parte case pola metade o concello, trascorrendo de oeste a leste, e o Sella, a corrente máis caudalosa da zona, que reparte as súas augas entre Cangas de Onís e Parres e que desemboca no Mar Cantábrico na veciña Ribadesella; é, por outra banda, elemento limítrofe no oriente do municipio.

Fauna e Flora

A vexetación do concello tamén é variada, destacando matogueiras na alta montaña, así como piñeiros, faias, eucaliptos, carballos e abeleiras. A fauna fluvial está representada pola troita, o reo, a anguía e o salmón. Entre a fauna terrestre achamos raposos, teixugos, garduñas, xabaríns, corzos e venados, así como asturcóns, o cabalo autóctono que está en regresión. As aves máis avistadas son as pegas, merlos, corvos e voitres.

Parroquias

Bode Castiello Cayarga Cofiño Collía Cuadroveña

Fíos Huera de Dego Llerandi Margolles Montes de Sebares Nevares

Pendás San Juan de Parres Sorribas Viabaño Villanueva

Sectores económicos

Empregados nos diversos sectores económicos (ano 2006)

	Número de traballadores	Tanto por cento
TOTAL	2.117	100
Agricultura, gandería e pesca	241	11,38
Industria	256	12,09
Construción	279	13,18
Servizos	1.341	63,34
* Datos do Anuario Estadístico de Asturias 2006, SADEI

Véxase tamén

Ligazóns externas

• Páxina de Parres (en castelán)
• Federación Asturiana de Concellos Arquivado 21 de xuño de 2012 en Wayback Machine. (en castelán)