Parque Nacional dos Lagos de Plitvice
O parque nacional dos Lagos de Plitvice é o máis famoso dos parques nacionais croatas.
Índice |
[editar] Localización e características
Está situado na rexión de Lika, a 44.85° N 15.62° cerca da fronteira con Bosnia Herzegovina unha paraxe onde se alternan lagos, cascadas e manantiais de marabillosa beleza. Esta rexión foi declarada Parque Nacional xa no ano 1949, e catalogada no Patrimonio da Humanidade UNESCO no 1970, cunha ampliación no 2000.
O Parque ten unha superficie próxima ás 30.000 hectáreas, 22.000 delas cubertas de bosques. A zona aberta ao público atópase no centro do parque, son 8 km² de val poboado de bosques, onde a hidrografía conformou unha paisaxe formada por 16 lagos de diferentes alturas comunicados entre eles por cascadas e cataratas. A vexetación está composta por faias nun 90%.
A visita realízase a pé a través de sendeiros e pontes de madeira, os lagos máis grandes son percorridos por silenciosas barcas. É tamén moi usual entre os turistas a celebración de vodas no pé das cataratas.
[editar] Xeoloxía
As augas, atravesando as rochas dolomíticas, disolven a rocha calcaria que é depositada formando barreras que separan os diferentes lagos, construindo covas e cavernas, e formando saltos de auga.
És una gran atracció turística i alguns es casen fins i tot sota les cascades.
Os lagos son alimentados polo río Negro (Crna Rijeka) e o río Branco (Bijela rijeka), e subdivídense en lagos superiores e lagos inferiores.
[editar] Lagos superiores
Os principais lagos superiores son:
- Kozjak (81,5 ha)
- Prošćansko (68 ha)
- Galovac (12,5 ha)
- radinsko (8,1 ha)
- Ciginovac (7,5 ha)
- Okrugljak veliko (4,1 ha)
- Veliki Jovinovac - Veliko Jezero (2 ha)
- Mali Jovinovac - Malo Jezero (2 hа)
- Batinovac (1,5 ha)
- Veliki Burget (0,6 hа)
- Vir (0,6 ha)
- Milino jezero
[editar] Lagos inferiores
Os principais lagos inferiores son:
- Milanovac (3,2 ha)
- Kaluđerovac (2,1)
- Gavanovac (0,7 hа)
- Novakovića-brod (0,4 ha)
