Parque Natural dos Vales Occidentais
Vales Occidentais | |||
---|---|---|---|
Marco Legal | |||
Figura de Protección: | Parque Natural | ||
Ano de constitución: | 2006 | ||
Superficie: | 27.073 hectáreas | ||
Lexislación: | |||
Datos de interese | |||
País: | España | ||
Provincias: | Huesca | ||
Concellos: | Aísa, Ansó, Aragüés del Puerto, Borau, Jasa, Valle de Echo e Canal de Berdún | ||
Ríos: | Veral, Aragón, Osía, Estarrún | ||
Picos | Alano (2.167 m), Peña Forca (2.391 m), Castillo de Acher (2.391 m), Punta Agüerri (2.449 m), Bisaurin (2.676 m) e Pico de Aspe (2.640 m) e La Cuta (2.147 m) | ||
Direccións de interese: | Ansó | ||
Teléfonos: | 974 37 02 10 |
O Parque Natural dos Vales Occidentais é un parque natural situado no extremo occidental do Pireneo aragonés, formada polos vales da comarca da Jacetania. Con preto de 2000 quilómetros cadrados, contén toda a conca alta do río Aragón e os seus afluentes: Lubierre, Estarrún, Aragón Subordán, Veral, Majones e Escá. Debido ás diferentes altitudes e as diferentes orientacións; nestes vales existen 3 zonas ben diferenciadas: Ó norte atópanse os altos vales influídos pola existencia de antigos glaciares cuaternarios. As paisaxes foron alteradas polo xeo ó longo de séculos. Os bosques de faias, abetos, carballeiras e piñeiros son favorecidos pola alta pluviosidade e son fogar de diversas especies animais coma a pita do monte. Existen nesta zona unha reserva nacional de Caza e unha ZEPA.
Máis ó sur, atópase o Canle de Berdún cuberto maioritariamente por cultivos de cereais e chopos. No extremo sur atópanse as formacións rochosas da Serra de San Xoán da Peña (Monumento Natural) e da Peña Oroel cuberta por carballos e piñeiros, sendo estes un dos bosques caducifolios mellor conservados da Península Ibérica.
O parque é refuxio dos últimos osos pardos dos Pireneos. Outras especies a salientar son o Peto montañés, o armiño, o Gabeador vermello ou a Rosalía alpina, un escaravello de cor azulada.
-
«Hayedo de Gamueta», parque natural dos Vales
-
Lugar «Aguas Tuertas»
-
Parque natural dos Vales Occidentais
Véxase tamén[editar | editar a fonte]
Wikimedia Commons ten máis contidos multimedia na categoría: Parque Natural dos Vales Occidentais |
Ligazóns externas[editar | editar a fonte]
- http://www.rednaturaldearagon.com/default.aspx?FolderID=59Arquivado 13 de abril de 2016 en Wayback Machine.
- O Parque na Web da Comunidade Autónoma de Aragón (en castelán)
- O Parque na web da comarca de Jacetania (en castelán)
Bibliografía[editar | editar a fonte]
- Espacios Naturales de interés en Aragón. Departamento de Industria, Comercio e Turismo do Goberno de Aragón (en castelán)