Pardela de Bulwer

Na Galipedia, a Wikipedia en galego.
Pardela de Bulwer
Bulwers petrel.jpg
Estado de conservación
Risco baixo (LC)
Clasificación científica
Reino: Animalia
Filo: Chordata
Clase: Aves
Orde: Procellariiformes
Familia: Procellariidae
Xénero: 'Bulweria'
Especie: ''B. bulwerii''
Nome binomial
''Bulweria bulwerii''
Jardine & Selby, 1828

A Pardela de Bulwer (Bulweria bulwerii) é unha pardela pequena, unha das dúas únicas especies do xénro Bulweria (descrito por Charles Lucien Bonaparte, en 1843). Esta ave recibiu o seu nome en homenaxe o naturalista escocés James Bulwer, que recolleu os primeiros exemplares na illa de Madeira.

Descrición[editar | editar a fonte]

É unha ave de alas moi longas: 78 a 90 cm. de envergadura fronte ós 25 a 29 cm. de longo do corpo. A plumaxe é castaña e teñen unha cola longa e apuntada. Voa recordando a xeito de boia e con moitos xiros mentres recolle alimento de tipo planctónico na tona da auga do mar.

Distribución e hábitat[editar | editar a fonte]

É unha ave mariña que cría no norte do océano Atlántico, en colonias nas illas de Cabo Verde, Azores, Canarias e Madeira.

Crían tamén en illas ó longo do Pacífico norte, dende leste de China a Hawaii. Despois da reprodución, dispérsanse para pasa-lo resto do ano no mar, en xeral en augas tropicais. Exemplares illados apareceron nas costas de Irlanda, Gran Bretaña, Portugal e os Paises Baixos e tamén na costa norteamericana.

Véxase tamén[editar | editar a fonte]

Ligazóns externas[editar | editar a fonte]