Parati

Parati

Paraty (pt)
Localización
23°13′10″S 44°42′53″O
Estado	Brasil
Unidades da federación	Estado do Río de Xaneiro
Poboación
Poboación	37.533 (2010) (40,42 hab./km²)
Xeografía
Superficie	928,467 km²
Altitude	5 m
Comparte fronteira con	Cunha (pt) Angra dos Reis Ubatuba
Creación	1597
Organización política
Membro de	Rede de cidades creativas (2017–)
Identificador descritivo
Código postal	23970-000
Prefixo telefónico	24
Código de concello do Brasil	3303807
Páxina web	pmparaty.rj.gov.br

Parati é unha cidade brasileira no litoral suroeste do estado do Río de Xaneiro, xunto á divisa co estado de São Paulo.

Moi antiga para os padróns da América do Sur, a cidade foi poboada entre os anos 1533 e 1560. En 1667 tornouse vila por un decreto do rei de Portugal. Serviu de porto para a exportación do ouro producido en Minas Xerais ata ser substituída nesa función pola cidade do Río de Xaneiro.

As construcións preservadas do período colonial no seu centro histórico, ademais das súas praias e illas, atraen hoxe turistas do Brasil e do exterior, facendo do turismo unha das máis importantes actividades económicas da cidade. Outras actividades económicas son a agricultura (cana de azucre, mandioca e banana) e a produción de augardente de cana.

Gran parte da exuberante vexetación de mata atlántica da cidade está protexida no Parque Nacional da Serra da Bocaina, que se estende ata a cidade de Cunha, no estado de Sao Paulo, a cal se liga por unha estrada precaria. Parati ligase coas cidades litorais do estado de São Paulo e coas cidades de Angra dos Reis e Río de Xaneiro pola estrada BR-101 (coñecida como Rio-Santos), asfaltada dende 1973.

Igrexa de Santa Rita (1722) na cidade de Parati.

Porto de Parati.