Paraguai - Paraguay
O Paraguai é un país do centro da América do Sur, limitado a norte e oeste pola Bolivia, a norte e leste polo Brasil e a sur e oeste pola Arxentina. Capital: Asunción. O Paraguai é un dos dous países da América do Sur que non posúe unha saída para o mar, sendo o segundo a Bolivia.
Índice |
Historia [editar]
- Artigo principal: Historia do Paraguai.
Os primeiros colonos españois chegaron ao Paraguai no comezo do século XVI. A cidade de Asunción, fundada en 15 de agosto de 1537, logo se tornou o centro dunha provincia nas colonias españolas na América do Sur.
O 15 de maio de 1811, o Paraguai declarou a súa independencia. Cun rápido crecemento económico e militar nos anos que proseguiron á independencia, o Paraguai tornouse un país auto-suficiente, e unha potencia rexional no continente.
A Guerra do Paraguai, entre 1865 a 1870, e contra a Tripla Alianza, composta pola Arxentina, Brasil e Uruguai, apoiados economicamente polo Reino Unido. Esta guerra foi motivada principalmente pola ambición paraguaia dunha saída para o mar, que no final acabou custando non soamente todo o crecemento entón alcanzado, senón tamén a morte de dous terzos da poboación do sexo masculino e perda de territorios, en grande parte, para a Arxentina. A economía paraguaia ficaría estancada os próximos 50 anos.
Tropas bolivianas invadiron o Paraguai en 1932, desencadeando a Guerra do Chaco, (1932-1935), e culminando con vitoria paraguaia e a anexación do Chaco ao país.
Desde 1989, cando o réxime militar de máis de 35 anos de Alfredo Stroessner rematou, o Paraguai foi gobernado por presidentes electos democraticamente. Os maiores desafíos do Paraguai desde entón foron a crecente inestabilidade política e a corrupción en alta.
Política [editar]
- Artigo principal: Política do Paraguai.
En 1992, foi publicada oficialmente unha nova constitución en vigor ata hoxe, que substituíu a antiga constitución de 1967. De acordo coa actual constitución paraguaia, o sistema de goberno é a democracia representativa. O poder executivo é exercido polo Presidente e polo vice-presidente, que son escollidos polo pobo a través de voto directo, para un mandato de cinco anos consecutivos, sen dereito á reeleición, isto é, o xefe de Estado e de goberno non debe ser electo dúas veces, e gobernan baixo asesoría do Consello de Ministros. O presidente participa da aprobación da lexislación e ordena súa publicación, podendo negar leis orixinadas do lexislativo.
O poder lexislativo é bicameral, formado polas dúas casas do Congreso, ou sexa, pola Cámara dos Deputados, de 80 membros, e polo Senado, de 45 membros, escollidos en ambos os casos para un mandato de cinco anos, por voto popular. O voto é imposto por lei para todos os electores a partir dos 18 anos.
A Corte Suprema de Xustiza é a instancia máxima do poder xudiciario, composta de nove membros nomeados polo presidente, e ten o poder de declarar a inconstitucionalidade de leis.
O principais partidos políticos son o Colorado (Asociación Nacional Republicana), o Liberal Radical Auténtico e Atopo Nacional. O Paraguai está dividido en 18 departamentos incluíndose a capital, Asunción. Cada departamento ten como xefe de goberno un gobernador electo.
Subdivisións [editar]
- Artigo principal: Subdivisións do Paraguai.
O Paraguai está dividido en 17 departamentos. Cada departamento divídese en distritos. Os distritos subdivídense en partidos e os partidos en compañías. Asunción, a capital, forma un distrito federal.
Xeografía [editar]
- Artigo principal: Xeografía do Paraguai.
O río Paraguai divide ao Paraguai en dúas rexións: ao oeste a rexión Occidental ou Chaco e ao leste a rexión Oriental.
A Rexión Oriental abrangue o 39% do territorio total e posúe o 97,3% da poboación. Ten máis de 800 ríos e regatos e o 95% das súas terras son cultivables. Nesta rexión están as principais institucións da República e os patrimonios históricos e culturais máis importantes. Ten 14 Departamentos. Nesta rexión a temperatura media anual é de 24 °C. O punto máis alto é o cerro Tres Kandú con 842 m. Está moi afectada pola deforestación, xa que en 1945 o 55% da súa superficie encontrábase cuberta por bosques, e no 2004, só o 6% se atopaba cuberto por bosques.
A Rexión Occidental ou Chaco ten o 61% do territorio da República e posúe pouco máis do 2% da poboación total. O seu territorio está formado por un fondo mariño que emerxeu na era Cuaternaria. Esta rexión posúe terras secas e arxilosas, poboada de extensos matorrais e palmares, esteros, lagos e regatos. Ten tres Departamentos e a súa produción económica baséase nos cultivos e a gandería. A súa temperatura media anual é de 31 °C. O punto máis alto do Chaco é o Cerro León con 604 m. Segundo datos da SEAM, Secretaría do Medio Ambiente de Paraguai, o 65% desta rexión atópase cuberta por bosques.
Economía [editar]
- Artigo principal: Economía do Paraguai.
Demografía [editar]
- Artigo principal: Demografía do Paraguai.
A maioría da poboación do Paraguai é de mestizos de colonizadores hispánicos con nativos. Hai poboación branca de orixe predominantemente española. Ata hoxe a maior parte da poboación non fala o Guaraní, ademais da lingua española.
Principais cidades [editar]
- Asunción: 500 mil habitantes, máis de 1.5 millón na súa zona metropolitana
- Ciudad del Este: 240 mil habitantes
- San Lorenzo: 120 mil habitantes
- Encarnación: 85 mil habitantes
- Concepción: 75 mil habitantes
Cultura [editar]
- Artigo principal: Cultura do Paraguai.
Feriados [editar]
| Data | Nome en galego | Nome local (en español) | Observacións |
|---|---|---|---|
| 1 de xaneiro | Ano Novo | Año Nuevo | |
| 6 de xaneiro | Día dos Reis | Día de los Reyes | |
| 3 de febreiro | Día do Patrono do Paraguai | Día del Patrono del Paraguay | |
| 1 de marzo | Día dos Heroes | Día de los Héroes | |
| (varía) | Xoves e Venres Santo | Jueves y Viernes Santo | |
| 1 de maio | Día dos Traballadores | Día de los Trabajadores | |
| 15 de maio | Día da Independencia | Día de la Independencia | |
| 12 de xuño | Día da Paz no Chaco | Día de la Paz del Chaco | |
| 14 de agosto | Día da bandeira | Día de la Bandera | |
| 15 de agosto | Fundación de Asunción | Día de la Fundación de Asunción | Aniversario da capital nacional |
| 16 de agosto | Día dos Nenos | Día de los Niños | Os nenos fican na casa |
| 29 de setembro | Día da Batalla de Boquerón | Día de la Batalla de Boquerón | |
| 8 de decembro | Día da Virxe de Caacupé | Día de la Virgen de Caacupé | |
| 25 de decembro | Nadal | Navidad |
Véxase tamén [editar]
Ligazóns externas [editar]
- Goberno do Paraguai (en castelán)
- Turismo Paraguai (en castelán)
- Paraguay de Antes - fotos antigas do Paraguai (en castelán)
- Noticias do Paraguai (en castelán)
|
|
||||||||
| Países do mundo | América do Sur |
| Arxentina - Bolivia - Brasil - Colombia - Chile - Ecuador - Güiana - Paraguai - Perú - Suriname - Uruguai - Venezuela |
| Países con parte do seu territorio en América do Sur |
