Parada na porta da escola
A parada na porta da escola (coñecida como Stand in the Schoolhouse Door en inglés) é un incidente que tivo lugar o 11 de xuño de 1963 en Tuscaloosa, no Auditorio Foster da Universidade de Alabama. George Wallace, o Gobernador de Alabama, nun intento simbólico de respectar a súa promesa ao asumir o seu cargo de "segregación agora, segregación mañá e segregación por sempre" e deter os procesos de desegregación nas escolas, parouse na porta do auditorio para tentar bloquear a entrada de dous estudantes negros, Vivian Malone Jones e James Hood.[1]
O incidente expuxo a George Wallace á atención dos medios nacionais.[2]
Antecedentes[editar | editar a fonte]
O 17 de maio de 1954, a Corte Suprema dos Estados Unidos publicou a súa decisión no caso denominado Brown contra o Consello de Educación de Topeka, Kansas, no cal os demandantes alegaban que a educación de nenos negros en escolas públicas separadas dos seus compañeiros brancos era inconstitucional.
Como consecuencia de Brown v. Consello de Educación a Universidade de Alabama debía ser desegregada. Nos anos subseguintes, centos de afroamericanos presentaron solicitudes de admisión, pero en todos os casos foron rexeitados. A Universidade traballaba xunto coa policía para facer investigacións e atopar todo tipo de razóns coas que denegar a solicitude de ingreso, ou cando iso non era posible, intimidaba aos solicitantes. Pero en 1963, tres afroamericanos cunha folla de antecedentes impecable—Vivian Malone Jones, Dave McGlathery e James Hood—presentaron as súas solicitudes, e negáronse a ser intimidados. A comezos de xuño un xuíz federal ordenou que eles debían ser admitidos, e prohibiulle ao Gobernador Wallace que interferise.[3]
O incidente[editar | editar a fonte]
O 11 de xuño, Malone e Hood chegaron para inscribirse. Wallace, tentando manter a súa promesa como tamén producir un incidente político, bloqueou a entrada do Auditorio Foster mentres representantes do xornalismo presenciaban a escena.[3] Entón, o Deputy Attorney General Nicholas Katzenbach, que se atopaba escoltado por policías federais indicoulle a Wallace que despexase o paso.[1] Con todo, Wallace interrompeu a Katzenbach e negouse a obedecer, en cambio pronunciou un discurso sobre dereitos dos Estados.[3] Katzenbach chamou ao Presidente John F. Kennedy, quen mobilizou á Garda Nacional de Alabama. O xeneral Henry Graham entón ordenoulle a Wallace que deixara paso, dicíndolle, "Señor, lamentablemente seguindo ordes do Presidente dos Estados Unidos é o meu deber solicitarlle que despexe o paso." Entón Wallace pronunciou algunhas outras frases, pero finalmente apartou, e Malone e Hood inscribíronse como estudantes.[4]
No cine[editar | editar a fonte]
O evento aparece na película Forrest Gump (1994), na cal aparece o protagonista como partícipe do mesmo.[5][6][7]
Notas[editar | editar a fonte]
- ↑ 1,0 1,1 Elliot, Debbie.
- ↑ Governor George C. Wallace's School House Door Speech Arquivado 06 de agosto de 2002 en Wayback Machine..
- ↑ 3,0 3,1 3,2 Standing In the Schoolhouse Door (June).
- ↑ Lesher, Stephan (1995). George Wallace: American Populist. Da Capo Press. p. 233. Arquivado dende o orixinal o 28 de xuño de 2014. Consultado o 09 de febreiro de 2016.
- ↑ Byers, Thomas (1996). "History Re-Membered: Forrest Gump, Postfeminist Masculinity, and the Burial of the Counterculture". Modern Fiction Studies 42.2: 419–44. Consultado o 28 de febreiro de 2009.
- ↑ Paul Grainge. Memory and Popular Film. Manchester University Press. p. 229. Consultado o 28 de febreiro de 2009.
- ↑ Behind the Magic of Forrest Gump: "George Wallace." in Forrest Gump special collector's edition (DVD). 2001.
Véxase tamén[editar | editar a fonte]
Outros artigos[editar | editar a fonte]
Bibliografía[editar | editar a fonte]
- Sarah Melton, "A Sleight of History: University of Alabama's Foster Auditorium", Southern Spaces, 15 de outubro de 2009.