Panellet

Na Galipedia, a Wikipedia en galego.
Panellets.
Panellets de café.

Os panellets son uns pasteis pequenos, e de varias formas, feitos a base de mazapán e outros ingredientes que lles dan un sabor e aroma característicos. Son doces típicos do día de Todos os Santos en Cataluña, Eivissa e o País Valenciano.

Historia[editar | editar a fonte]

Os panellets como tal datan do século XVIII, cando se usaban como comida bendicida para compartir logo das celebracións relixiosas (panellets de San Marcos e panellets da Santa Cruz). Crese que teñen a súa orixe no norte de Europa, onde a consecuencia do intenso frío facíase necesario un alimento rico en calorías para soportar mellor a longa noite de defuntos, pero seguramente proceden da repostería árabe, dada a súa composición a base de améndoas e a influencia da cultura árabe.

Ao ser unha comida moi enerxética (como as castañas, tamén consumidas ese día) resultaban moi útiles para comer o Día de Todos os Santos ou Día de Defuntos, nos que se tocaban a mortos nas campás das igrexas durante toda a noite, polo que gran parte da poboación facía vixilia.

Características[editar | editar a fonte]

Elabóranse cunha masa doce feita con azucre, améndoa crúa moída, ovo e pel de limón, para que teña unha textura máis esponxosa. Polo exterior recúbrense con clara de ovo, que fai de adherente para colocar unha capa de piñóns. O conxunto métese no forno e déixase arrefriar. Actualmente existe unha ampla gama de panellets: de coco, chocolate, café, marmelo, etcétera.

Véxase tamén[editar | editar a fonte]

Ligazóns externas[editar | editar a fonte]

Commons
Commons ten máis contidos multimedia na categoría: Panellet Modificar a ligazón no Wikidata