PJ Harvey

Na Galipedia, a Wikipedia en galego.
PJ Harvey (Logo).png
PJ Harvey.jpg
PJ Harvey en concerto
Naceu 9 de outubro de 1969 (44 anos)
Orixe Bridport, Dorset,Inglaterra Inglaterra
Ocupación (s) músico, compositora
Xénero rock alternativo, indie rock, rock experimental, folk rock, art rock, electrónica
Instrumento(s) voz, guitarra
Selo(s) discográfico (s) Too Pure, Island Records
Relacionado con Automatic Dlamini, Rob Ellis, John Parish, Nick Cave and the Bad Seeds, Mick Harvey, Desert Sessions, Marianne Faithfull, Sparklehorse, Thom Yorke
Tempo en activo 1988 - actualidade
Web www.pjharvey.net


Polly Jean Harvey (de nome artístico, PJ Harvey), é unha cantautora nada en Yeovil (Inglaterra) o 9 de outubro de 1969. Dende o principio, co seu rock cru, directo e visceral, demostrou ser unha das compositoras máis influentes dos noventa, compoñendo cancións cuxos temas van dende o sexo ao amor, á relixión, ó humor negro ou á sensibilidade na feminidade.

Traxectoria[editar | editar a fonte]

Alcumada como "a Patti Smith dos 90", Polly Jean naceu nunha granxa de Yeovil, e dende moi xove aprendeu a tocar o saxo e a guitarra. Cando era unha adolescente participou en varias agrupacións ata 1991, ano no que formou o seu grupo PJ Harvey, xunto ao baxista Steve Vaughn e ó batería Robert Ellis. Tanto o seu primeiro single, Dress, coma o segundo, Sheela-Na-Gig, foron un gran éxito; pouco a pouco, o grupo foise consolidando como unha nova banda de rock alternativa cuxa notoriedade aumentaba cada vez máis dentro do panorama musical.

En 1992 lanzaron o seu primeiro disco, Dry; un ano despois, e logo dunha longa e aclamada xira, PJ Harvey volveu a Londres para gravar o seu segundo traballo, Rid of me, cun son que estaba preto do noise e do punk nas guitarras; foi este disco o que converteu esta banda nun grupo de culto. Ao final de ano, sacaron á luz 4-Track Demos, un disco no que aparecían versión orixinais das cancións da placa anterior.

Despois da xira de Rid of me, Polly Jean emprendeu a súa carreira en solitario, lanzando o seu terceiro traballo en 1995, To Bring You My Love, xunto co baxista Mick Harvey e os guitarristas John Parish e Joe Gore. Este disco, cuxo single era a controvertida Down by the water, tivo unha grandiosa aceptación, tanto por parte da crítica coma do público en xeral.

A partir de 1996, a cantante estivo case inactiva, gravando soamente un tema a dúo con Nick Cave no disco deste último, Murder Ballads e cantando xunto ó seu socio John Parish en Dance Hall at Louse Point.

No 1998 lanza o seu quinto disco Is This Desire?, un disco ao que seguirían Stories from the City, Stories from the Sea no 2000, un álbum cun estilo máis pop; Uh Huh Her no 2004, que inclúe temas máis íntimos e apaixonados; e White Chalk no 2007, un álbum no que deixa de lado as guitarras eléctricas, as baterías potentes e unha voz desgarradora, para dar paso ao piano, á arpa, ao mellotron [1] e a unha voz aguda e fráxil.

En marzo de 2009 sae á luz A Woman A Man Walked By, un álbum gravado en colaboración con John Parish, no que se decanta polo rock experimental e o folk.

Discografía[editar | editar a fonte]

Álbums principais

Ano Disco Selo discográfico
1992 Dry Too Pure
1993 Rid of Me Island Records
1993 4-Track Demos Island Records
1995 To Bring You My Love Island Records
1998 Is This Desire? Island Records
2000 Stories from the City, Stories from the Sea Island Records
2004 Uh Huh Her Island Records
2007 White Chalk Island Records
2009 A Woman A Man Walked By Island Records
2011 Let England Shake Island Records


Compilacións

Ano Disco Selo discográfico
1995 The B-Sides Island Records
2006 The Peel Sessions 1991-2004 Island Records


Véxase tamén[editar | editar a fonte]

Commons
Commons ten máis contidos multimedia sobre: PJ Harvey

Bibliografía[editar | editar a fonte]