Owaraha

Na Galipedia, a Wikipedia en galego.
Owaraha
Santa Ana
MakiraMap.png
Localización de Santa Ana ao sur de Makira
Solomon Islands 1989.jpg
Mapa das Illas Salomón
Situación
País Illas Salomón
Provincia Makira
Mar Océano Pacífico
Coordenadas 10°49′42″S 162°27′49″E / 10.82833°S 162.46361°E / -10.82833; 162.46361
Xeografía
Longura máxima 5´6
Largura máxima 4´5
Punto máis alto 143 m. (Faraina)
Demografía
Densidade hab/km² hab./km²

Owaraha ou Owa Raha (antes Santa Ana) é unha illa das Illas Salomón, que se atopa na provincia de Makira-Ulawa.

Descrición[editar | editar a fonte]

Esta pequena illa de coral ten 5´6 km de longo e 4´5 km de largo. Está situada no extremo oriental de Makira (San Cristobal), separada dela por un estreito de 7´5 km de ancho, e xusto ao norte da pequena Owariki (Santa Catalina). A distancia entre Owaraha e Owariki atopa é de só 2´5 km. A illa conta con dúas vilas principais Gupuna (ou Ghupuna) e Nafinotoga. Os habitantes de Owaraha falan a Lingua Owa e comparten a mesma cultura coa xente de Owariki e co extremo oriental da illa de Makira.

Owaraha foi habitada ao redor do 1280 a.C., de acordo cos achados en dúas covas Rate e Feru. O navegante español Álvaro de Mendaña de Neyra descubriu a illa en 1.568.

Owaraha foi visitado polo antropólogo e fotógrafo austríaco Hugo Bernatzik en 1932. Bernatzik documentou coidadosamente a vida cotiá dos habitantes da illa e publicou un etnografía un ano máis tarde. Tamén tomou algunhas das primeiras e mellores fotografías dos insulares, que reflicten unha cultura que consideraba estaba morrendo en contacto co mundo moderno.[1]

Durante a súa estancia en Owaraha Bernatzik atopou a Heinrich Küper, un aventureiro alemán que vivía na vila de Gupuna. Küper estaba casado cunha respectable muller da localidade, Kafagamurirongo, e foi o único branco, que chegou á ter un status de arafa (alta personalidade) dentro dunha comunidade Melanesia. Os netos de Kuper aínda viven en Owaraha.[2]

Notas[editar | editar a fonte]

  1. Hugo Bernatzik, Owa Raha. Büchergilde Gutenberg, Vienna / Zürich / Prague, 1936
  2. Sandra Revolon, Heinrich Küper: le Blanc dont on parle à mi-voix, Centre de Recherche et de Documentation sur l'Océanie (CREDO), Campus Saint Charles, 3 Place Victor Hugo, 13331-Marseille, France, Journal de la Société des océanistes ISSN 0300-953X