Owain Cyfeiliog

Na Galipedia, a Wikipedia en galego.

Owain ap Gruffydd (c. 1130 – 1197) foi un príncipe da parte meridional do reino de Powys e un poeta en lingua galesa. Adoita ser citado como Owain Cyfeiliog para o distinguir doutros gobernantes chamados tamén Owain, en especial o seu coetáneo, Owain ap Gruffydd de Gwynedd, que é coñecido como Owain Gwynedd.

Rei de Powys meridional[editar | editar a fonte]

Owain era fillo de Gruffydd ap Maredudd e sobriño de Madog ap Maredudd, o último príncipe do Powys unido. Madog deulle ao seu sobriño o cantref de Cyfeiliog para que o gobernase en 1147. Á morte de Madog en 1160 Owain converteuse no gobernante da maior parte do Powys meridional.

Mantivo unha alianza cos outros príncipes galeses para enfrontárense á invasión que en 1165 levou a cabo o rei Henrique II de Inglaterra. Despois disto, a súa política era máis de apoio á coroa inglesa. En 1170 doou terras para a fundación da abadía de Strata Marcella. En 1188, porén, negouse a recibir ou axudar a Baldwin, Arcebispo de Canterbury e Giraldus Cambrensis cando recorreron Gales para recrutaren homes para unha cruzada, acto polo que foi excomungado. En 1195 Owain cedeu o mando do seu territorio ao seu fillo Gwenwynwyn ab Owain e retirouse á abadía de Strata Marcella, onde morreu e recibiu sepultura ao cabo de dous anos.

Poeta[editar | editar a fonte]

Owain foi considerado tamén como poeta,malia só ter chegado ata nós un poema que se lle atribúe, este, Hirlas Owain considérase como un dos mellores poemas galeses deste período. No poema, a garda de Owain reúnese na súa corte tras un raid en 1155 para liberar o seu irmán Meurig do cárcere en Maelor. Cumprida a misión, Owain fai que circule un corno con bebida entre os membros da súa garda por quendas, con palabras de louvanza para cada un. Hai unha nota máis sombría cando lembra dous dos seus homes que caeran no combate e láiase pola súa perda. O editor máis recente do poema, Gruffydd Aled Williams, suxire que o poema foi escrito realmente por Cynddelw Brydydd Mawr, o poeta de corte máis relevante do século, se cadra en colaboración con Owain.[1] Owain tamén aparece no relato de Fulke FitzWarin como un cabaleiro que golpea a Fulk cunha lanza.

Véxase tamén[editar | editar a fonte]

Notas[editar | editar a fonte]

Véxase tamén[editar | editar a fonte]

Bibliografía[editar | editar a fonte]

  • John Edward Lloyd (1911) A history of Wales from the earliest times to the Edwardian conquest (Longmans, Green & Co.)