Olveira, Ribeira

Olveira
	Capela de Sirves
Concello	Ribeira
Provincia	A Coruña
Coordenadas	42°35′21″N 9°02′48″O / 42.58916667, -9.04666667Coordenadas: 42°35′21″N 9°02′48″O / 42.58916667, -9.04666667
Poboación	1.157 hab. (2019)
Entidades de poboación	19
	[ editar datos en Wikidata ]

Para outras páxinas con títulos homónimos véxase: Olveira.

Santa María de Olveira é unha parroquia situada no oeste do concello de Ribeira. Segundo IGE no 2018 tiña 1.181 habitantes (583 mulleres e 598 homes), distribuídos en 19 entidades de poboación dos que nove están habitados. Isto supón unha diminución en relación ao ano anterior cando tiña 1.218 habitantes.

Xeografía[editar | editar a fonte]

As súas entidades de poboación son Agrelo, Os Agueiros, O Barreiro, Bretal, Campelos, Casanande, Cerradas, A Cocheiriza, Cristal, A Espiñeira, Iñeiras, O Monte da Laxa, Olveira, Olveira da Igrexa, Olveira de Arriba, Reirís, Sirves, O Souto e O Viso.

Historia[editar | editar a fonte]

Trala caída do Antigo Réxime foi concello de seu entre 1812 e 1835, cando foi incorporada a Ribeira.

Patrimonio[editar | editar a fonte]

A igrexa de Santa María de Olveira é de orixe románica (época da que conserva unha cripta, un Agnus Dei e dúas columnas cos capiteis), sendo reconstruída en 1742 en estilo neoclásico.

A Igrexa Nova de Olveira (na Agra) foi construída en 1967 en estilo neoclásico. Con base de cruz latina, está construída en cachotaría. Conserva reliquias dos mártires do século III Nectario e Victorina.

A capela da Nosa Señora da Angustia (en Bretal) foi construída en 1790 por Roque Pillado de Orellán. Ten unha pequena espadana. A capela da Nosa Señora das Dores (en Sirves) foi construída en 1869 e restaurada en 2002. En Campelos está a capela da Sagrada Familia.

O cruceiro do Viso é un cruceiro de capela. A furna está sobre un piar octogonal e base ortogonal en chanzos.

O parque natural Dunas de Corrubedo e lagoas de Carregal e Vixán é un espazo natural protexido, cunha duna móbil, unha lagoa salgada e outra seca. O monte Tahúme é o punto máis alto da parroquia.

Festas[editar | editar a fonte]

As festas patronais son o 13, 14 e 15 de agosto. O 30 de abril celébrase a festa das Dores no lugar de Sirves. O 4 de xuño é a festa da Angustia en Bretal. O 8 de setembro é a festa do Rosario en Olveira.

Galería de imaxes[editar | editar a fonte]

Artigo principal: Galería de imaxes de Olveira, Ribeira.

Anta de Axeitos
Pavillón municipal de Sirves.
Igrexa parroquial
Capela de Campelos.
Escultura de Leopoldo Nóvoa en Bretal.

Lugares e parroquias[editar | editar a fonte]

Lugares de Olveira[editar | editar a fonte]

Lugares da parroquia de Olveira no concello de Ribeira (A Coruña)
Agrelo \| Os Agueiros \| O Barreiro \| Bretal \| Campelos \| Casanande \| Cerradas \| A Cocheiriza \| Cristal \| A Espiñeira \| Iñeiras \| O Monte da Laxa \| Olveira \| Olveira da Igrexa \| Olveira de Arriba \| Reirís \| Sirves \| O Souto \| O Viso

Parroquias de Ribeira[editar | editar a fonte]

Galicia \| Provincia da Coruña \| Parroquias de Ribeira
Aguiño (Nosa Señora do Carme) \| Artes (San Xián) \| Carreira (San Paio) \| Castiñeiras (O Bo Pastor) \| Corrubedo (Santa María) \| Oleiros (San Martiño) \| Olveira (Santa María) \| Palmeira (San Pedro) \| Ribeira (Santa Uxía)