Olga Constantinovna de Rusia

Na Galipedia, a Wikipedia en galego.
Olga Constantinovna

A Gran Duquesa Olga Constantinovna de Rusia (en ruso: Великая Княжна Ольга Константиновна). Nada o 3 de setembro de 1851 e finou o 18 de xuño de 1926. Foi a Raíña Consorte de Grecia durante o reinado de Xurxo I de Grecia, e rexente de Grecia en 1920. É a avoa de Filipe, duque de Edimburgo e marido da raíña Isabel II.

Vida[editar | editar a fonte]

Mocidade[editar | editar a fonte]

Naceu en Pavlovsk e foi filla do Gran Duque Constantino Nikolaevich de Rusia e da Gran Duquesa Alexanda Iosifovna, foi neta do tsar Nicolao I de Rusia e prima de Alexandre III de Rusia. O rei de Grecia, Xurxo I visitou Rusia en 1863 para agradecer ó seu tío Alexandre II o seu apoio na súa elección para o trono de Rusia. Foi neste momento cando Olga coñeceu o seu futuro marido.

Xurxo volveu visitar Rusia outra vez no 1867, para reunirse coa súa irmá Dagmar, que casara co seu primo Alexandre III un ano antes. Olga e Xurxo namoráronse e casaron o 27 de outubro de 1867, cando ela tiña 16 anos. A raíña Olga era unha descendente directa da Emperatriz Bizantina Euphrosyne Doukaina Kamatera (11551211), consorte do Emperador Alexios III Angelos que reinou entre 1195-1203.

Raiña de Grecia[editar | editar a fonte]

Xurxo e Olga en 1903.

Olga foi moi popular en Grecia e estivo moi envolta nas tarefas de caridade, traballando tanto no Hospital Evangelismos, o máis grande de Grecia, e no Hospital Ruso en Piraeus. No 1898, insistiu en seguir coas súas tarefas sen protección militar, incluso despois de que dispararan ó seu marido e a súa filla.

Rexente de Grecia[editar | editar a fonte]

Cando o seu neto Alexandre I finou o 25 de outubro de 1920, o goberno grego ofreceulle o trono o seu irmán, Paulo. Este rexeitou o cargo, alegando que o seu pai Constantino e o seu irmán Xurxo aínda vivían. O goberno nomeou entón como rexente a Olga, que estivo no cargo ata que o seu fillo Constantino volveu ó trono de Grecia tras un plebiscito.

Finou en Roma, onde vivía a familia real grega no exilio, coa restauración da monarquía en Grecia (1935) foi trasladada a Tatoi o 17 de novembro de 1936.

Descendencia[editar | editar a fonte]

Olga e Xurxo tiveron oito fillos:

  • Constantino (1868–1923), quen sucedeu ó seu pai como rei;
  • Xurxo (1869–1957);
  • Alexandra (1870–1891), casada co Gran Duque Paulo Alexandrovich de Rusia. Nai de Dimitri Pavlovich Romanov, asasino de Grigori Rasputín;
  • Nicolao (1872–1938), casado coa Gran Duquesa Helena Vladimirovna de Rusia;
  • María (1876–1940), casada co Gran Duque Xurxo Mikhailovich de Rusia e despois con Pericles Ioannides;
  • Olga (7 de abril 1880-2 de novembro 1880);
  • Andreas (1882–1944), pai do Príncipe Filipe, duque de Edimburgo;
  • Cristovo (1888–1940).

Véxase tamén[editar | editar a fonte]

Ligazóns externas[editar | editar a fonte]

Commons
Commons ten máis contidos multimedia na categoría: Olga Constantinovna de Rusia