Odómetro

Na Galipedia, a Wikipedia en galego.
Odómetro mecánico.

Un odómetro (do grego ὁδός hodós 'camiño' e μέτρον métron 'medida') é un dispositivo que indica a distancia percorrida nunha viaxe por un vehículo.

O primeiro odómetro do que se ten noticia describiuno no século I a. C. o arquitecto romano Vitrubio na súa obra De Architectura.

Características[editar | editar a fonte]

Os odómetros mecánicos xeralmente están constituídos por unha serie de rodas que mostran os números por unha xaneliña. No caso dos automóbiles adoitan vir conxuntamente co velocímetro. Poden ter totais (quilómetros desde que se fabricou), parciais (desde a última vez que se puxo en cero) ou ambos.

Os vehículos fabricados actualmente teñen odómetros electrónicos, que permiten manipular o valor dos totais por una simple reprogramación. Nalgúns lugares utilízanse odómetros electrónicos de precisión dixital para medir distancias nun servizo de transporte, por seren máis exactos e máis visíbeis; tamén se empregan tacógrafos que rexistran graficamente os datos. Algúns destes odómetros permiten manter unha lista das distintas veces que se puxo en cero (ou as viaxes realizadas) para control.

Véxase tamén[editar | editar a fonte]

Commons
Commons ten máis contidos multimedia sobre: Odómetro

Outros artigos[editar | editar a fonte]

Ligazóns externas[editar | editar a fonte]