Obradoiro Clube de Amigos do Baloncesto

Para outras páxinas con títulos homónimos véxase: Obradoiro.

Blu:Sens Monbús
Competición	Liga ACB
Fundado	1970
Cidade	Santiago de Compostela
Pavillón	Multiusos Fontes do Sar (6.050)
Cores	Branco, azul, vermello
Historia	CAB Obradoiro (dende 1970)
Presidente	Raúl López
Adestrador	Moncho Fernández
Príncipe	1 (2011)
Copa Galicia	3 (2011, 2012 e 2013)
Alcume	Obra
Patrocinador	Blu:Sens e Monbus
Vestimenta	TREZZE
Seareiros	Obradoiristas
Sitio Web	www.obradoirocab.com

O Obradoiro Clube de Amigos do Baloncesto, denominado Blusens Monbus Obradoiro por razóns de patrocinio, é unha entidade deportiva profesional adicada ó baloncesto, con sede na cidade galega de Santiago de Compostela. O club foi fundado en 1970, e na actualidade compite por cuarta ocasión na máxima categoría do baloncesto nacional.

Historia

Ate 1970 o baloncesto da cidade de Santiago de Compostela estivo representado nas competicións oficiais por un equipo do SEU e por unha sección da SD Compostela. Nese ano naceu o CAB Obradoiro, fundado por un grupo de 29 afeccionados dispostos a darlle un pulo renovado ó deporte da canastra na cidade. Na tempada 1970-71 o Obradoiro partíu da Terceira División, ocupando a praza da sección de baloncesto da SD Compostela. Naqueles tempos o equipo xogaba no antigo ximnasio universitario, onde na actualidade está o Auditorio da USC.

Despois de ascender dende a Terceira División á Segunda División no seu terceiro ano de existencia, o Obradoiro CAB acadou a máxima división do baloncesto español ao remate da tempada 1981-82, cando ascendeu tras derrotar o CB Mataró. Formaban parte dese equipo Mario Iglesias, Eduardo Echarri, Jan Lomas, Balagué, Arturo Corts, Javi Vallejo, Montero, José Cobelo, Manolo Vidal, Alberto Abalde, Gil, Popocho Modrego, Julio Bernárdez e Pepe Casal, e Antonio Castro era o presidente da entidade.

Nesa primeira tempada en primeira división o Obradoiro gañou unicamente dous encontros, e rematou na 14ª e última posición.

Pavillón de Santa Isabel, fogar do Obradoiro entre 1990 e 2009.

En 1990 tenta de novo ascender a primeira, e ten que xogar a eliminatoria contra o Júver Murcia. No primeiro partido xoga polos murcianos Esteban Pérez, con nacionalidade arxentina, o que daquela supuña un aliñamento indebido. O Obradoiro reclama o aliñamento e nos seguintes dous partidos da eliminatoria o Júver non inclúe a Pérez. Os tres partidos rematarían coa derrota do Obradoiro, pero este club reclama, primeiro á xustiza deportiva e logo pola vía ordinaria. Mentres se resolve o proceso, o Obradoiro descende varias categorías e móvese durante a década dos noventa e o comezo do século XXI polas categorías inferiores estatais e polas categorías galegas.

Nese tempo naceu en medrou outro club de baloncesto na capital galega, o CB Rosalía, que se converteu no equipo de baloncesto de referencia na cidade durante máis dunha década, chegando mesmo a loitar polo ascenso á Liga ACB na tempada 2007-08.

En 2003 o preito resólvese, e a Xustiza obriga a ACB a readmitir o equipo na primeira división estatal: pero os recursos económicos da entidade non poden facerlle fronte aos avais de 2003, e acoden de novo á xustiza para conseguir unhas condicións de acceso como en 1990. O Tribunal Supremo volve darlles a razón polo que lles concede unha praza na ACB nas condicións daquela tempada, e coa posibilidade de facela efectiva ao longo de tres anos.

Comezou a tempada 2009-10 xogando en casa contra o Barcelona, cunha derrota coma resultado. Malia unha gran primeira volta, rematou por descender á Liga LEB. Como feitos destacables cabe salientar a vitoria ante o Real Madrid no Multiusos do Sar.

Na tempada 2010-11, rematou a LEB Ouro no 2º posto, detrás do CB Murcia, e clasificouse para disputar os playoffs de ascenso á Liga ACB, nos que pasou as tres eliminatorias e volveu ascender á Liga ACB. Ademais, conseguiu a Copa Príncipe tras vencer ao Murcia no Multiusos do Sar.

Traxectoria en liga

A seguinte táboa amosa o percorrido do Obradoiro CAB polas diversas categorías do baloncesto nacional dende a tempada de debut en 1970/71 ate a actualidade:

Categoría	2013	12	11	10	09	08	07	06	05	04	03	02	01	00	99	98	97	96	95	94	93	92	91	90	89	88	87	86	85	84	83	82	81	80	79	78	77	76	75	74	73	72	71
Liga ACB/1ª División		13		17																											14
LEB Ouro/1ª División B			2																			15		5	13	22	6	7		12		3	8			14	8	4	4	8
LEB Prata/2ª División																													1					2	9
Categorías rexionais

• Tempadas na máxima categoría do baloncesto nacional (Liga ACB ou equivalente): 4

82/83, 09/10, 11/12, 12/13

• Tempadas na segunda categoría do baloncesto nacional (LEB Ouro ou equivalente): 15

73/74, 74/75, 75/76, 76/77, 77/78, 80/81, 81/82, 83/84, 85/86, 86/87, 87/88, 88/89, 89/90, 91/92, 10/11

• Tempadas noutras categorías: 24

78/79, 79/90, 84/85, 90/91, 92/93, 93/94, 94/95, 95/96, 96/97, 97/98, 98/99, 99/00, 00/01, 01/02, 02/03, 03/04, 04/05, 05/06, 06/07, 07/08, 08/09

Os números do Obradoiro CAB en ACB / Primeira División

Tempadas		Xog.	Gañ.	Emp.	Per.		P+	P-		Postos na Tempada Regular		Resultado final
2012-13		34	18	0	16		2556	2507		8º de 18		Disputándose.
2011-12		34	13	0	21		2405	2481		13º de 18		Permanencia.
2009-10		34	8	0	26		2519	2814		17º de 18		Descenso.
1982-83		26	2	0	24		1895	2466		14º de 14		Descenso.

• Xog. Xogados ; Gañ. Gañados ; Emp. Empatados ; Per Perdidos ; P+ Puntos anotados ; P- Puntos encaixados.

Palmarés

Uniformes

Casa Fóra

Copa do Rei

• 1982-1983. Oitavofinalista, fronte ó OAR Ferrol (74-91) e (94-84).

Copa Príncipe de Asturias

• 2010-2011. Campión, fronte ó CB Murcia (81-78) en Santiago de Compostela.

Copa Galicia

• 1985-1986. Subcampión, fronte ó CB Breogán (70-67) en Ourense.
• 2009-2010. Subcampión, fronte ó CB Breogán (63-57) en Porriño.
• 2010-2011. Campión, fronte ó COB Ourense (72-61) en Lalín.
• 2011-2012. Campión, fronte ó COB Ourense (72-70) en Noia.
• 2012-2013. Campión, fronte ó COB Ourense (86-67) en Ourense.

Outras competicións

• 1984-1985. Campión de Liga de Segunda División.

Pavillón

Exterior do Multiusos Fontes do Sar.

Interior do Multiusos Fontes do Sar.

O Obradoiro CAB xoga os seus encontros como local no Pavillón Multiusos Fontes do Sar, situado no oeste da cidade, nunha zona coñecida como Brañas de Sar, ó pe do Monte Gaiás. O recinto foi inaugurado en 1998, e ten capacidade para acoller a 6.050 seareiros. O equipo comparte este pavillón co Santiago Futsal, o equipo de fútbol sala que compite na máxima categoría da LNFS. Este pavillón é propiedade do Concello de Santiago de Compostela.

O primeiro fogar do Obradoiro CAB foi o Ximnasio da USC (actual Auditorio do Campus Vida). En 1976 mudouse ó Pavillón Brañas do Sar, construído polo propio club. Nese recinto chegaron os primeiros grandes éxitos da entidade, incluíndo a tempada 1982-83 na que o equipo competíu na máxima categoría da Liga Española de Baloncesto. Coa chegada dos problemas legáis o equipo comezou a xogar no Pavillón Municipal de Santa Isabel, propiedade do concello, que pasou a ser o principal pavillón da cidade. O Obradoiro CAB volveu a Sar en 2009, para xogar no Pavillón Multiusos Fontes do Sar, construído sobre o antigo Pavillón Brañas do Sar.

• (2009- ......) Pavillón Multiusos Fontes do Sar
• (1990-2009) Pavillón Municipal de Santa Isabel
• (1976-1990) Pavillón Brañas do Sar
• (1970-1976) Ximnasio da USC

Dende o regreso do Obradoiro CAB á elite do baloncesto nacional, a afluencia media de seareiros que acudiron ós encontros do equipo na ACB 2009-10 foi de 5509 persoas, con máximos de 6050 espectadores (fronte ó FC Barcelona). No seguinte ano, co equipo na LEB Ouro 2010-11, a media baixou a 4297 persoas. De volta na Liga ACB, na tempada 2011-12 a media de seareiros no pavillón medrou ata os 5241.

• ACB 2011-12 —— 5.241 seareiros por encontro.
• LEB 2010-11 —— 4.297 seareiros por encontro.
• ACB 2009-10 —— 5.509 seareiros por encontro.

Xogadores

Véxase tamén: Xogadores do Obradoiro CAB.

Véxase tamén: Cadros de xogadores de tempadas pasadas do Obradoiro CAB.

Xogadores 2012/13

CAB Obradoiro 2012-2013
Xogadores
Pos. # Nac. Nome Altura Peso Procedencia 2.0 !E 44 ! Buford, William 1.98 m (6 ft 6 in) 100 kg (220 lb) Ohio State Buckeyes 2.0 !E 33 ! Corbacho, Alberto 2.01 m (6 ft 7 in) 97 kg (214 lb) CB Breogán 2.5 !E-A 12 ! Dewar, Benjamin 1.96 m (6 ft 5 in) 94 kg (207 lb) CB Lucentum Alicante 1.0 !B 8 ! Sanz, Jorge 1.88 m (6 ft 2 in) 79 kg (174 lb) Real Madrid 5.0 !P 11 ! García, Miki 2.06 m (6 ft 9 in) 105 kg (231 lb) 4.0 !AP 4 ! Hummel, Robbie 2.03 m (6 ft 8 in) 98 kg (216 lb) Purdue Boilermakers 5.0 !P 15 ! Junyent, Oriol 2.08 m (6 ft 10 in) 110 kg (243 lb) CAI Zaragoza 4.0 !AP 14 ! Kendall, Levon 2.08 m (6 ft 10 in) 109 kg (240 lb) Maroussi BC 1.0 !B 55 ! Freire, Rafael 1.88 m (6 ft 2 in) 85 kg (187 lb) 1.0 !B 50 ! Mejri, Salah 2.16 m (7 ft 1 in) 95 kg (209 lb) Antwerp Giants 3.0 !A 6 ! Pumprla, Pavel 2.01 m (6 ft 7 in) 94 kg (207 lb) ČEZ Nymburk 1.0 !B 5 ! Rodríguez, Andrés 1.85 m (6 ft 1 in) 73 kg (160 lb) Capitanes de Arecibo

Estatísticas individuais

Máis encontros en ACB: 1º - Oriol Junyent - 69 encontros. 2º - Levon Kendall - 68 encontros. 3º - Javier Bulfoni - 67 encontros. Máis puntos en ACB: 1º - Alberto Corbacho - 757 puntos. 2º - Levon Kendall - 733 puntos. 3º - Javier Bulfoni - 547 puntos.

Máis rebotes en ACB: 1º - Levon Kendall - 405 rebotes. 2º - Oriol Junyent - 221 rebotes. 3º - Stephane Lasme - 214 rebotes. Máis asistencias en ACB: 1º - Andrés Rodríguez - 300 asistencias. 2º - Maximiliano Stanic - 151 asistencias. 3º - Rafa Luz - 104 asistencias.

Datos actualizados o 19 de maio de 2013.

Xogadores que acadaron o MVP da xornada na ACB

Xogador	Valoración	Xornada
Rafael Hettsheimeir	35 puntos de valoración	Mellor xogador da ACB na xornada 13 da tempada 2009-10.
Kostas Vasileiadis	35 puntos de valoración	Mellor xogador da ACB na xornada 25 da tempada 2009-10.
Stephane Lasme	37 puntos de valoración	Mellor xogador da ACB na xornada 18 da tempada 2011-12.
Levon Kendall	30 puntos de valoración	Mellor xogador da ACB na xornada 4 da tempada 2012-13.
Salah Mejri	29 puntos de valoración	Mellor xogador da ACB na xornada 29 da tempada 2012-13.

Datos actualizados o 26 de marzo de 2013.

Véxase tamén

Ligazóns externas

• Páxina web oficial do Obradoiro CAB
• Páxina web oficial da Liga ACB (en castelán)
• Páxina web oficial da Federación Española de Baloncesto (en castelán)
• Páxina web oficial da Federación Galega de Baloncesto