O soño do falcón
| O soño do falcón | |
|---|---|
| Autor/a | Xabier Iglesias |
| Orixe | España |
| Lingua | lingua galega |
| Xénero(s) | novela |
| Data de pub. | 2003 |
| [ editar datos en Wikidata ] | |
O soño do falcón é a primeira novela do escritor coruñés Xabier Iglesias. Foi publicada pola editorial Toxosoutos no 2003.
Argumento[editar | editar a fonte]
A obra narra a vida do conde Pedro de Soutomaior, máis coñecido como Pedro Madruga, destacado representante da nobreza galega medieval e que protagonizou os feitos políticos e militares máis importantes da súa época, como foron a revolta Irmandiña e a resistencia contra o poder da Coroa de Castela.
A novela, subtitulada Vida e batallas do Cabaleiro don Pedro Álbares de Soutomaior, conde de Camiña, por mal nome chamado "Pedro Madruga", incide nos dous devezos que guiaron os actos de Pedro de Soutomaior: a afirmación da súa propia liberdade contra o poder da Coroa e a Igrexa, e tamén a loita constante, sempre escrita dacabalo e coa espada na man, na defensa do interese político da unión de Galicia e Portugal, nun tempo en que o poder de Castela mandaba o contrario.
Estruturada en catro tempos de catro capítulos cada un, e dous máis, un a xeito de introdución e outro de epílogo, repasa toda a biografía do nobre, dende os seus devanceiros Paio Sorrei e Fernán Eáns de Soutoamior, pai de Pedro, ata a fin dos seus días en Alba de Tormes, provincia de Salamanca.
Fontes e estilo[editar | editar a fonte]
Segundo recoñece o autor nunha entrevista a Biblos Clube de Lectores (nº 5, 2003), foille precisa máis dunha década de investigación para rematar con éxito a novela, apoiándose en textos históricos dos anos 50 do pasado século en diante.
Xabier Iglesias desenvolve nesta obra unha liña histórica clara recorrendo á fabulación para explicar por que o protagonista desenvolveu os feitos do xeito no que sucederon.
Véxase tamén[editar | editar a fonte]
Ligazóns externas[editar | editar a fonte]
- Páxina da obra en andelvirtual.com Arquivado 04 de marzo de 2016 en Wayback Machine.
