Serra do Courel

Na Galipedia, a Wikipedia en galego.
(Redirixido desde "O Courel")
Pregue de Campodola-Leixazos, no concello de Quiroga na Serra do Courel.

A serra do Courel é unha cordilleira montañosa situada no sueste da provincia de Lugo que se estende polos concellos de Folgoso do Courel, na súa maior parte, Quiroga e Pedrafita do Cebreiro.

Índice

Localización e características [editar]

Ten unha extensión de 21.020 hectáreas con fortes variacións de altitude, que van dende os 400-500 m no val do río Lor a máis de 1.600 m nos puntos máis altos como Montouto, Formigueiros (1.643 m) ou o pico de Pía Paxaro (1.610 m). O río Lor, e os seus afluentes forman ricos vales con diversos ecosistemas que fan que esta serra sexa a reserva botánica máis importante de Galiza. A poboación esparéxese de xeito disperso, formando numerosos núcleos de poboación.

Nunha sima desta serra atopáronse os restos humanos máis antigos que se conservan de Galiza (entre 8.000 e 10.000 anos) canda os únicos restos de uro (Bos primigenius) achados en todo o país[1].

Estas terras foron un gran referente nas obras de Uxío Novoneyra, poeta e escritor natural de Parada de Moreda.

"Terra de Caurel, aspra e forte, de inxente beleza... Terra brava de lobos e águias; terra outa de fragas e devesas." Á lus do candil, Ánxel Fole.

Galería de imaxes [editar]

Artigo principal: Galería de imaxes da Serra do Courel.

Notas [editar]

  1. ↑ Descobren no Courel os restos humanos máis antigos de Galicia, La Voz de Galicia, 12 de marzo de 2010.

Véxase tamén [editar]

Bibliografía [editar]

  • Vázquez Saavedra, Merces. Guía do Courel. ISBN 978-84-8288-634-3. 
  • As montañas de Galiza. A Nosa Terra, 2006. ISBN-10: 84-8341-126-1


Traído desde "http://gl.wikipedia.org/w/index.php?title=Serra_do_Courel&oldid=2903858"