Na Galipedia, a Wikipedia en galego.
Nymphaeaceae, as ninfeáceas, é unha familia que comprende 75 especies de ninfeas ou nenúfares agrupadas en oito xéneros. Son plantas acuáticas perennes, rizomatosas con follas e flores boiantes, das cales a maior é a vitoria rexia presente no río Amazonas.
Nota: o xénero Nelumbo, que inclúe o loto sagrado (Nymphaea lotus), cambiouse a unha familia da orde Proteales.
- Herbas perennes, raramente anuais, acuáticas, con rizomas horizontais ou verticais.
- Follas alternas, simples, largamente pecioladas, boiantes, somerxidas ou emerxidas.
- Flores hermafroditas, grandes, axiais ou non, solitarias con pedúnculo largo, normalmente emersas.
- Froito en bagos esponxosos.
- Sementes numerosas, de ovoides a subovoides.
- Pole de tipos moi variados, variábel entre xéneros e especies, exina ausente, endexina lamelada.
Follas boiantes na tona da auga da tapadeira.
Un nenúfar polinizado por abellas.
