North European Basketball League

Na Galipedia, a Wikipedia en galego.

A North European Basketball League (NEBL) foi unha liga de curta vida fundada en 1998 por Šarūnas Marčiulionis. Esta liga foi o primeiro proxecto de liga comercial rexional de en Europa, e inicialmente estaba formada polos mellores equipos de cinco países: Lituania, Letonia, Estonia, Suecia e Finlandia. En 1999 tivo lugar a primeira edición, que contou con oito equipos dos países creadores. Logo a competición comezou perdendo as súas características rexionais, incluíndo equipos de Europa central (Polonia, Chequia), Europa occidental (Dinamarca, Alemaña, Bélxica, Países Baixos, Reino Unido) e o Leste de Europa (Rusia, Ucraína, Bielorrusia); logo, do Sur de Europa (Bulgaria, Macedonia, Romanía, Serbia) e mesmo de Israel e Turquía. Na tempada 2001-02 participaron 31 equipos de 19 países (dende Israel a Reino Unido). A Final Four da NEBL xogouse sempre en Vilnius, Lituania.

Na tempada 2002 os mellores clubes coma o CSKA Moscova, o Žalgiris ou o Maccabi perderon o seu interese na competición en favor da nova e máis atractiva comercialmente Euroliga.

Na tempada 2002-03 desputouse por última vez esta competición entre os catro equipos que non abandonaran a competición nunha Final Four.

A NEBL transformouse máis tarde (dende o 2004) na actual Baltic Basketball League cos 10 mellores equipos de Lituania, Letonia e Estonia participando nela.

Tempadas[editar | editar a fonte]

Tempada Campión Finalista Total de equipos Total de países
1998-99 Flag of Lithuania.svg Žalgiris Flag of Latvia.svg ASK Broceni LMT Riga 8 5
1999-00 Flag of Russia.svg CSKA Moscova Flag of Lithuania.svg Lietuvos Rytas 14 9
2000-01 Flag of Russia.svg Ural Great Flag of Lithuania.svg Žalgiris 16 12
2001-02 Flag of Lithuania.svg Lietuvos Rytas Flag of Russia.svg Ural Great 31 19
2002-03 Flag of Russia.svg UNICS Kazan Flag of Lithuania.svg Lietuvos Rytas 4 3