Niuatoputapu
| Niuatoputapu | |
|---|---|
| Vista da illa | |
| |
| Datos | |
| Capital | Hihifo |
| País | Tonga |
| Localización | Océano Pacífico |
| Arquipélago | |
| Linguas | |
| Poboación (1996) | 1.161 hab. |
| Superficie | 18 km² |
| Densidade | |
| Coordenadas | 16°0′S 173°47′O / -16.000, -173.783Coordenadas: 16°0′S 173°47′O / -16.000, -173.783 |
| Maior Altura | 157 m. |
| Localización | |
| |
A illa de Niuatoputapu ou Traidores é a illa principal do grupo Niuas, ao norte de Tonga. Está situada a 167 km ao norte de Vava'u e a 516 km ao norte de Tongatapu.
A illa é de orixe volcánico. A parte central boscosa, de 157 metros de altitude, é o antigo cráter erosionado. O litoral baixo é un antigo arrecife coralino que creceu ao redor do volcán e foi cuberto de cinzas volcánicas. Hoxe en día outro arrecife coralino pecha unha lagoa ao redor da illa. A superficie total é de 18 km².
A vila principal é Hihifo, situada ao noroeste da illa. É o centro administrativo, sede do axente do goberno e da policía. A poboación total, no censo de 1996, era de 1.161 habitantes. Dispón dun aeroporto.
Niuatoputapu foi descuberta polos holandeses Le Maire e Schouten en 1616. Mentres estaban negociando para intercambiar víveres foron atacados por sorpresa e chamárona Verraders Eylandt, illa dos Traidores, nome que coa forma inglesa ou francesa mantívose durante un tempo nos mapas da época, ata que o inglés Samuel Wallis en 1767, denominouna Keppel Island en honra a Augustus Keppel, primeiro Lord do Almirantado.
