Nicole (cantante chilena)
Nicole | |
---|---|
Nome completo | Denisse Lilian Laval Soza |
Alias | Nicole |
Data nacemento | 19 de xaneiro de 1977 |
Nado en | Santiago, Chile |
Cónxuxe | Sergio Lagos |
Ocupación | Actriz, cantante, apresentadora de radio |
Xénero | Pop, rock |
Selo(s) discográfico(s) | Musicavisión, Sony BMG, Maverick, Chika Entertainment |
Tempo en activo | 1989-actualidade |
Pseudónimo | Nicole |
Na rede | |
Nicolemusica.cl | |
[ editar datos en Wikidata ] |
Denisse Lilian Laval Soza, coñecida como Nicole, é unha cantante chilena.
Traxectoria[editar | editar a fonte]
Iniciou a súa carreira musical desde unha idade temperá. Tal vez me estoy enamorando (1989), o seu primeiro álbum, foi un grande éxito local que conseguiu un Disco de Ouro. Anos máis tarde, tras unha pausa para rematar a súa escolarización, Nicole lanzou Esperando nada (1994), producido por Tito Dávila (anteriormente de Enanitos Verdes), e gravou cinco álbums que alcanzaron o número un en todas as emisoras de radio de Chile e vendeu máis de 80.000 copias.
En 1997, Nicole viaxou a Londres para gravar o seu próximo disco. Ese ano publicou Sueños en tránsito, producido por Gustavo Cerati, ex Soda Stereo. Despiértame, o seu primeiro sinxelo, foi premiado aquel ano cun MTV Video Music Awards na categoría de Mellor Vídeo Feminino. Para ampliar as súas fronteiras, a cantante decidiu probar sorte en México e, posteriormente, en Estados Unidos, onde coñeceu a Bruno del Ganado. En 2002 Nicole lanzou Viaje infinito, álbum que foi gravado en Nova York, producido por Andrés Levin. O álbum foi canddiato a un Grammy Latino e ós MTV Music Awards.
No 2004 Nicole participou en dúas películas, a curtametraxe The Miami friend e For Rent Chile, ambas recoñecidas en importantes festivais de todo o mundo. En 2005 Nicole creou o seu propio selo independente, Chika Entertainment Inc.. APT (2006-2007), o quinto álbum da súa carreira, foi mesturado en España e, a continuación, masterizado en Londres por Barry Sage. A cantante regresou a Chile, onde se concentrou na promoción do seu novo disco. Do mesmo xeito, Nicole fíxose cargo de varias campañas publicitarias. Tamén foi presentadora dun programa de radio co cantante Javiera Parra, e participou no programa Todo a coro, da TVN (Televisión Nacional de Chile), onde dirixiu o coro Talagante Prisión, que foi gañador. Asemade levou un programa de televisión de música en vivo na canle de televisión Vía-X e foi parte do grupo de organizadores do Premio Nacional de Artes 2009 Altazor no seu país.
Discografía[editar | editar a fonte]
Álbums de estudio[editar | editar a fonte]
- 1989: Tal vez me estoy enamorando.
- 1994: Esperando nada.
- 1997: Sueños en tránsito.
- 2002:
- Grandes éxitos
- Viaje infinito.
- 2006: APT.
- 2009: 20 años.
Filmografía[editar | editar a fonte]
Películas[editar | editar a fonte]
Véxase tamén[editar | editar a fonte]
Ligazóns externas[editar | editar a fonte]
- Páxina oficial de Nicole Arquivado 01 de novembro de 2015 en Wayback Machine.