Neymar

Na Galipedia, a Wikipedia en galego.
Neymar
Neymargoldenball.jpg
Neymar con Brasil, sostendo o balón de ouro ó mellor xogador da Copa Confederacións Brasil 2013.
Información persoal
Nome completo Neymar da Silva Santos Júnior
Nacemento 5 de febreiro de 1992 (22 anos)
Lugar Mogi das Cruzes, Brasil
Altura 1,74 m.
Posición Dianteiro / Centrocampista
Información de club
Club actual Barcelona
Número 11
Carreira xuvenil
1999–2003 Portuguesa Santista
2003–2009 Santos
Carreira sénior
Anos Equipos Aprs (Gls)
2009–2013 Santos 103 (54)
2013– Barcelona 26 (9)
Selección nacional
2009 Brasil sub-17 3 (1)
2011 Brasil sub-20 7 (9)
2012 Brasil sub-23 7 (4)
2010– Brasil 50 (33)
* Partidos e goles só en liga doméstica. Actualizados a 17 de maio de 2014.
† Aparicións (Goles)
‡ Actualizado a 12 de xuño de 2014.

Neymar da Silva Santos Júnior (coñecido popularmente como Neymar), nado en Mogi das Cruzes (São Paulo) o 5 de febreiro de 1992 é un futbolista brasileiro. Xoga de centrocampista ou dianteiro e o seu actual equipo é o FC Barcelona.

Traxectoria[editar | editar a fonte]

En 2003 entrou nas categorías inferiores do Santos Futebol Clube. Debutou no primeiro equipo fronte ó Oeste FC en 2009, con só 17 anos, e marcou o seu primeiro gol á semana seguinte fronte ó Mogi Mirim EC. Ese ano o equipo chegou á final do Campionato Paulista gracias a un gol de Neymar nas semifinais, aínda que despois foi o SE Palmeiras o equipo que venceu nesa final. Ese mesmo ano o Santos rematou 12º no Brasileirao, con 10 goles de Neymar en 33 encontros.

Ó ano seguinte Neymar saltou á fama coas súas actuacións no Campionato Paulista e na Copa de Brasil. No Campionato Paulista marcou 14 goles en 19 encontros, moitos deles espectaculares, axudando a que o Santos gañase o torneo. No encontro de oitavos da Copa de Brasil fronte ó EC Santo André no que o Santos venceu por 8 goles a 1, Neymar anotou 5 deses goles. O Santos tamén gañou ese torneo, no que Neymar anotou 11 goles en 8 encontros. Gracias a esa vitoria o Santos acadou o dereito a participar na edición 2011 da Copa Libertadores.

O seleccionador brasileiro, Dunga, non quixo contar con Neymar para formar parte da selección canariña no Mundial de Fútbol de Sudáfrica 2010, a pesares da presión popular. Tralos malos resultados que a selección obtivo en Sudáfrica, Dunga foi despedido, e o novo seleccionador, Mano Menezes, chamou por vez primeira a Neymar para xogar coa canariña fronte ós Estados Unidos o 10 de agosto de 2010, conseguindo marcar un gol.

Por esas datas comezaron a chegar as primeiras ofertas dende Europa para conseguir asinar a Neymar, como foi o caso do West Ham United, que ofrecía 12 millóns de libras esterlinas.

No Brasileirao 2010, Neymar marcou 17 goles en 31 encontros, e o Santos rematou na 8ª posición.

En 2011 o Santos reeditou o título do Campionato Paulista, con 4 goles de Neymar en 11 encontros. O equipo non participou na Copa de Brasil ó ter que competir na Copa Libertadores. Foi na máxima competición continental de Sudamérica onde Neymar e o Santos tiveron unha actuación mais salientable, acadando o título que o Santos non gañaba dende a época de Pelé, cun gran Neymar que marcou o gol decisivo na final fronte ó Club Atlético Peñarol. Foi entón cando equipos da talla do Real Madrid fixeron as súas ofertas multimillonarias polo xogador, que foron ignoradas polo club e mais polo propio Neymar. Nese verán a xove estrela disputou a Copa América 2011 coa súa selección, facendo un torneo discreto, no cal Brasil foi eliminado antes do previsto. No Brasileirão o equipo fixo unha actuación discreta, en parte debido ás ausencias de Neymar e outros xogadores do equipo que estaban disputando a Copa América. O Santos rematou 10º, e Neymar só disputou 21 dos 38 encontros, acadando 13 goles.

En decembro de 2011 o Santos viaxou a Xapón para disputar a Copa Mundial de Clubs da FIFA 2011, caendo na final fronte ó FC Barcelona de Lionel Messi, co cal se fixeron moitas comparacións con Neymar dende a prensa deportiva.

Véxase tamén[editar | editar a fonte]

Ligazóns externas[editar | editar a fonte]