Nevis

Na Galipedia, a Wikipedia en galego.
Nevis
Bandeira
Flag of Nevis.svg
Datos
Capital Charlestown
País Saint Kitts e Nevis
Localización Mar Caribe
Arquipélago
Linguas
Poboación (2006) 12.106 hab.
Superficie 93.2 km
Densidade 130 hab./km²
Coordenadas 17°09′N 62°35′W / 17.150°N 62.583°W / 17.150; -62.583
Maior Altura 985 m. Monte Nevis
Localización
Localización da illa Nevis

Nevis é unha illa no mar Caribe, o seu nome é unha corrupción da palabra española Nieves, forma abreviada de Nuestra Señora de las Nieves, nome que segundo a tradición local, aínda que sen evidencia histórica [1]puxo á illa Cristovo Colón o 11 de novembro de 1493 ao ancorar nela[2] durante a súa segunda viaxe a América por mor das nubes que cobren permanentemente o Monte Nevis e que lle dá unha aparencia de cumio nevado. Xunto coa illa de Saint Kitts que está ao norte, constitúe a Federación de Saint Kitts e Nevis. A illa abrangue nove antigos centros volcánicos que contribuíron á súa formación[3], calculándose a última erupción en cen mil anos atrás[4] .

Nevis conta co seu propio parlamento e goberno, o actual primeiro ministro é Joseph Parry, quen substituíu en 2006 a Vance Armory. A constitución de Saint Kitts e Nevis recoñece no seu artigo 113 o dereito á secesión da illa de Nevis[5] e nese marco legal o 10 de agosto de 1998 celebrouse un referendo de autodeterminación, mostrándose favorables á secesión o 61.7% dos votantes de Nevis, sen chegar por pouco aos dous terzos requeridos pola constitución[6]

Xeografía[editar | editar a fonte]

Nevis pertence xeoloxicamente ao arco das Pequenas Antillas que comezou a formarse no Eoceno aínda que Nevis como outras illas do seu contorno xurdiu como unha formación volcánica do Plioceno-Plistoceno[7]. Posúe unha superficie de 93.2 km²[8], a súa máxima altitude é o Monte Nevis (985 m), é un estratovolcán composto a partes iguais por lava endurecida e por cinzas volcánicas procedentes de erupcións [9].

Demografía[editar | editar a fonte]

Posúe unha poboación duns 12.000 habitantes e posúe unha das taxas de alfabetización máis altos do continente americano, con aproximadamente un 98%. A actual capital é Charlestown.

Notas[editar | editar a fonte]

  1. John Logan Allen North American Exploration: A new world disclosed. University of Nebraska Press, 1997, páxina 476
  2. Vincent K. Hubbard Swords, ships, and sugar: a history of Nevis to 1900. ‎Premiere Editions, 1993, páxina 2
  3. ONU "Saint Kitts and Nevis: Executive Summary". Country Reports. Committee on Science and Technology, United Nations Convention to Combat Desertification, consultado o 9 de agosto de 2009.
  4. Gobal Volcanism Program
  5. Constitución de Saint Kitts e Nevis
  6. Ann Lynn Griffiths e Karl Nerenberg (eds.) Handbook of Federal Countries.McGill-Queen's Press, 2002, páxina 275
  7. Bouysse, Westercamp e Andreieff, The Lesser Antilles island arc, en JC Moore, A. Mascle e al. Proceedings of the Ocean Drillings Program, Scientific Results, 1990
  8. The Commonwealth Yearbook. Commonwealth Secretariat, 2004, páxina 252
  9. Rosaly Lopes The volcano adventure guide. Cambridge University Press, 2005, páxina 302

Véxase tamén[editar | editar a fonte]

Ligazóns externas[editar | editar a fonte]