Nathaniel Palmer

Na Galipedia, a Wikipedia en galego.
Nathaniel Palmer
Nathaniel Palmer
Nathaniel Brown Palmer
Nacemento: 1799
Stonington, Connecticut Estados Unidos de América Estados Unidos
Falecemento: 1877
Stonington, Connecticut Estados Unidos de América Estados Unidos
Ocupación: Mariñeiro.

Nathaniel Brown Palmer, nado en 1799 en Stonington, Connecticut, e finado na mesma cidade en 1877 foi un mariñeiro baleeiro estadounidense, considerado o co-descubridor da Antártida.

Traxectoria[editar | editar a fonte]

Embárcase coma mariñeiro moi novo, acadando o rango de patrón con 19 anos e ampliando as rutas de caza de baleas máis ao sur, na busca de novas colonias de focas.

O 17 de novembro de 1820 descubre terras que non aparecían no mapa, terras que resultarían ser a Antártida, porén por esas mesmas datas tamén navegaban pola zona outros dous barcos, un da Armada Imperial Rusa comandada por Fabian Gottlieb von Bellingshausen e outro da Royal Navy Británica ao mando de Edward Bransfield, polo que aos tres se lle recoñeceu o título de co-descubridores do continente.

Na honra do navegante na actualidade reciben o seu o nome a terra que el avistou, Península Palmer, o arquipélago Palmer, unha estación científica estadounidense situada no dito arquipélago (Estación Palmer) e un rompexeos estadounidense (RV Nathaniel B. Palmer).

Véxase tamén[editar | editar a fonte]

Ligazóns externas[editar | editar a fonte]

Un relato do avistamento da Antártida, por Nathaniel Palmer (en inglés)