Natasha Shneider

Na Galipedia, a Wikipedia en galego.
Natasha Shneider
Naceu 22 de maio de 1956
Orixe Moscova, Rusia
Morreu 2 de xullo do 2008 (52 anos)
Ocupación (s) actriz, músico
Instrumento(s) teclados, voz, baixo
Relacionado con Eleven, Queens of the Stone Age, Chris Cornell
Tempo en activo 1983 - 2008

Natasha Shneider, nada en Moscova o 22 de maio de 1956 e finada en Los Angeles (California) o 2 de xullo do 2008, foi unha música rusa, que destacou como teclista e vocalista da banda Eleven, onde tocaba tamén o seu marido Alain Johannes. Tocou tamén o baixo nos tres primeiros álbums da banda.

Shneider e o seu marido contribuíron no álbum de Queens of the Stone Age Songs for the Deaf e uníronse á banda durante a xira de promoción do álbum de 2005 Lullabies to Paralyze. Tamén compuxeron, interpretaron e produxeron con Chris Cornell para o seu traballo en solitario de 1999 Euphoria Morning, e formaron parte da súa banda na xira posterior.

Shneider tamén actuou en dúas películas, facendo os papeis da cosmonauta rusa Irina Yakunina no filme 2010 (1984), e da estudante de intercambio polaca Wanda Yakubovska en Spiker (1986). Fixo tamén papeis secundarios nas series de televisión Miami Vice e Hill Street Blues.