Natalie Wood

Natalie Wood

(1973)
Biografía
Nacemento	(ru) Наталья Николаевна Захаренко 20 de xullo de 1938 San Francisco (Estados Unidos de América)
Morte	29 de novembro de 1981 (43 anos) Ilha de Santa Catalina (Estados Unidos de América)
Causa da morte	Morte accidental  (Afogamento )
Lugar de sepultura	Westwood Village Memorial Park Cemetery (pt)
Datos persoais
País de nacionalidade	Estados Unidos de América
Relixión	Igrexa ortodoxa
Educación	Escola Secundaria de Van Nuys Hollywood Professional School (en)
Actividade
Ocupación	actriz , actriz infantil , actriz de cinema , actriz de televisión
Período de actividade	1943 - 1981
Empregador	Warner Bros.
Lingua	Lingua inglesa e lingua rusa
Familia
Cónxuxe	Robert Wagner (1972–1981), morte Richard Gregson (pt) (1969–1972), divorcio Robert Wagner (1957–1962), divorcio
Fillos	Natasha Gregson Wagner (pt)  () Richard Gregson (pt)
Irmáns	Lana Wood (pt)
Premios (1980)  Globo de Ouro á mellor actriz - Drama, premiado polo traballo De aquí á eternidade (1957)  Globo de Ouro de melhor atriz revelação do ano (pt)  estrela no Paseo da Fama de Hollywood
Sinatura

Natalie Wood, pseudónimo de Natalia Nikolayevna Zakharenko, nada en San Francisco (California) o 20 de xullo de 1938 e finada en Santa Catalina (California) o 29 de novembro de 1981, foi unha actriz estadounidense de cinema e televisión.

Traxectoria

Naceu co nome de Natalia Nikolayevna Zakharenko. Os seus pais emigraran de Rusia pouco antes. Axiña o seu pai substituíu o apelido familiar polo de Gurdin e aos catro anos quedou inscrita no rexistro como Natasha Gurdin. Ela falaba inglés e ruso.

Empuxada e apoiada pola súa ambiciosa nai Maria, Natalie Wood converteuse nunha estrela de cine infantil, que interveu en numerosas películas con notable éxito, e foi unha das poucas que conseguiu levar a cabo a transición de estrela infantil cara a actriz adulta.

Natalie Wood gozou durante un período do estrelato, debido sen dúbida ao seu físico, á súa capacidade expresiva e á eficacia das súas actuacións. Foi nomeada ao Óscar en tres ocasións, pola súa interpretación en Rebel without a cause, Esplendor na herba e Love with the Proper Stranger.

Outro dos seus grandes filmes foi West Side Story, no que interpretou o papel principal de María. Xa que Wood tiña unha bonita voz, foi ela quen cantou todas as súas cancións. Con todo, finalmente foi dobrada por unha cantante profesional, o que lle ocasionou unha gran decepción.

Nestes anos, no apoxeo da súa carreira cinematográfica, foi considerada a actriz máis popular de Hollywood xunto con Elizabeth Taylor. O seu historial inclúe outras películas importantes como Centauros do deserto, de John Ford e The Candidate cun novo Robert Redford.

Wood estivo casada en dúas ocasións co actor Robert Wagner. Estivo un tempo de noiva cos actores Michael Caine, Steve McQueen, Tony Curtis, Warren Beatty, Dennis Hopper, o cantante Elvis Presley, o director de cine Henry Jaglom, e o político Jerry Brown.

Faleceu despois de caer ó mar desde o barco onde estaba, próximo á illa de Santa Catalina, California.