Narsés Pedro XIX Tarmowni

Narsés Pedro XIX Tarmowni
	;
Biografía
Nacemento	17 de xaneiro de 1940 ; O Cairo, Exipto
Morte	25 de xuño de 2015 (75 anos); Beirut, Líbano
Causa da morte	Morte natural (Infarto agudo de miocardio )
Bispo diocesano
	7 de outubro de 1999 – ; ← Xoán Pedro XVIII Gasparean ; Diocese: Armenian Catholic Archeparchy of Beirut (en)
Bispo diocesano
	21 de agosto de 1989 – ; ← Raphaël Bayan (en) – Kricor-Okosdinos (Rizkallah) Coussа (en) → ; Diocese: Armenian Catholic Eparchy of Alexandria (en)
Datos persoais
País de nacionalidade	Exipto
Relixión	Igrexa católica e Igrexa Católica Armenia
Educación	Pontificia Universidade Gregoriana
Actividade
Ocupación	bispo católico (1990–), sacerdote católico (1965–)
Lingua	Árabe
Consagración	Xoán Pedro XVIII Gasparean
	Premios Order of St. Mesrop Mashtots (en) ;

Este artigo amosa escritos armenios. Sen o soporte axeitado, o texto pode mostrar símbolos sen sentido, coma caixas, marcas e outros.

Narsés Pedro XIX Tarmowni (en armenio: Ներսէս Պետրոս ԺԹ. Թարմունի, Nersēs Petros ŽT’. T’armowni), nado o 17 de xaneiro de 1940 no Cairo (Exipto) e finado o 25 de xuño de 2015 en Beirut (Líbano), foi o 19º Patriarca de Cilicia da Igrexa católica armenia dende o 7 de outubro de 1999 até o seu pasamento.

Biografía[editar | editar a fonte]

Primeiros anos e sacerdocio[editar | editar a fonte]

Naceu no Cairo o 17 de xaneiro de 1940, quinto fillo (segundo varón) dos oito que tivo o matrimonio formado por Elias Taza e Josephine Azouz.^[1] Completou os seus estudos primarios e secundarios no colexio levado polos Irmáns das Escolas Cristiás no Cairo.^[1]

Sentiu a vocación sacerdotal moi cedo e foi enviado a estudar ao Colexio Armenio de Roma en 1958, onde estudou Filosofía e Teoloxía na Pontificia Universidade Gregoriana.^[1] O seu bispo, Raphaël Bayan, ordenouno sacerdote no Cairo o 15 de agosto de 1965.^[1]

Serviu na parroquia da catedral armenia no Cairo entre 1965 e 1968 xunto a quen sería elixido en 1982 Patriarca dos armenios, Xoán Pedro XVIII Gasparean.^[1] Entre 1968 e 1990, Petros Taza foi cura da parroquia de Santa Teresa de Heliópolis no Cairo.^[1]

Episcopado[editar | editar a fonte]

O 18 de febreiro de 1990 foi ordenado bispo da eparquía de Alexandría, con xurisdición sobre Exipto e o Sudán polo mesmo Xoán Pedro XVIII.^[1] Entre 1992 e 1997, como membro da xerarquía católica en Exipto foi o Secretario Xeral do Concilio Pastoral da Igrexa Católica en Exipto.^[1]

Ademais, como membro do Sínodo dos Bispos da Igrexa Católica Armenia, foi membro do Consello de Bispos que dirixiu a curia patriarcal entre 1993 e 1995, presidente da Comisión Patriarcal para as Vocacións entre 1993 e 1995, e membro do Sínodo Permanente entre 1994 e 1999.^[1]

Patriarcado[editar | editar a fonte]

O 7 de outubro de 1999 foi elixido polos membros do Sínodo Católico-Patriarca de Cilicia e tomou o nome de Narsés Pedro XIX.^[1] O 13 de outubro do mesmo ano o papa Xoán Paulo II concedeulle a comuñón eclesiástica.^[1]^[2] Como patriarca, acompañou ao papa Xoán Paulo II nas súas visitas a Exipto, Xordania, Siria e Armenia; e ao papa Bieito XVI nas súas visitas a Xordania e Chipre.^[1] Tamén realizou numerosas viaxes pastorais: a Xordania, Francia, Suíza, Australia, Polonia, Armenia, Ucraína, Irán, Siria, Exipto , Xeorxia, Chipre, Turquía, Rusia, Hungría, Xerusalén, e América do Sur.^[1] Tamén destaca a viaxe que realizou á República de Nagorno-Karabakh en xullo de 2006.^[1]

Finou no cargo o 25 de xuño de 2015 en Beirut, dun ataque ao corazón.^[3]

Premios e distincións[editar | editar a fonte]

O 21 de setembro de 2015 o presidente de Armenia Serzh Sargsyan galardoouno postumamente coa Orde de San Mesrop Mashtots.^[4]^[5]

Notas[editar | editar a fonte]

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 ^1,13 "ՆԵՐՍԷՍ ՊԵՏՐՈՍ ԺԹ. ԹԱՐՄՈՒՆԻ (1999-2015)" [Narsés Pedro XIX Tarmowni]. ARMENIAN CATHOLIC CHURCH - ՀԱՅ ԿԱԹՈՂԻԿԷ ԵԿԵՂԵՑԻ (armeniancatholic.org) (en armenio). Consultado o 9/11/2020.
↑ Ioannes Paulus II (13 de outubro de 1999). "Carta del Santo Padre Juan Pablo II a Su Beatitud Nerses Bedros XIX Tarmouni, en respuesta a la petición de comunión eclesiástica" [Carta do Santo Pai Xoán Paulo II á Súa Beatitude Narsés Pedro XIX Tarmowni, en resposta á petición de comuñón eclesiástica]. vatican.va. Consultado o 9/11/2020.
↑ "Մահացել է Ներսես Պետրոս ԺԹ-ն" [Morreu Narsés Pedro XIX]. armenpress.am (en armenio). 25 de xuño de 2015. Consultado o 9/11/2020. [...] հունիսի 25-ին Բեյրութի ժամանակով 08:45-ին Ներսես Պետրոս ԺԹ-ն մահացել է հիվանդանոցում՝ սրտի կաթվածից [o 25 de xuño ás 8:45 hora de Beirut, Narsés Pedro XIX finou no hospital dun ataque ao corazón]
↑ "Armenian Catholic Patriarch awarded posthumously". News.am (en inglés). 21/09/2015. Arquivado dende o orixinal o 09/10/2015. Consultado o 04/05/2016. The Patriarch was awarded St. Mesrop Mashtots medal for an exceptional contribution to the preservation and development of the spiritual values in the Diaspora (O patriarca foi distinguido coa medalla de San Mesrop Mashtots pola súa contribución excepcional á preservación e desenvolvemento dos valores espirituais na Diáspora).
↑ "ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ ՀՐԱՄԱՆԱԳԻՐԸ - ՏԱՆՆ ԿԻԼԻԿԻՈ ՆԵՐՍԵՍ ՊԵՏՐՈՍ ԺԹ ԿԱԹՈՂԻԿԵ ՀԱՅՈՑ ԿԱԹՈՂԻԿՈՍ-ՊԱՏՐԻԱՐՔԻՆ ՍՈՒՐԲ ՄԵՍՐՈՊ ՄԱՇՏՈՑԻ ՇՔԱՆՇԱՆՈՎ ՊԱՐԳԵՎԱՏՐԵԼՈՒ ՄԱՍԻՆ" [Decreto do Presidente da República de Armenia - Premiando ao Catholicos-Patriarca de Cilicia dos católicos armenios Narsés Pedro XIX Tarmouwni coa Orde de San Mesrop Mashtots]. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀ (president.am) (en armenio). 16 de setembro de 2015. Consultado o 9/11/2020.

Véxase tamén[editar | editar a fonte]

Ligazóns externas[editar | editar a fonte]

His Beatitude Nerses Bedros XIX, na páxina oficial da Igrexa Armenia (en inglés)

Dignidades da Igrexa católica
Predecesor: Raphaël Bayan	Bispo de Alexandría 1989 - 1999	Sucesor: Krikor-Okosdinos Coussa
Predecesor: Xoán Pedro XVIII Gasparean	Patriarca de Cilicia 1999 - 2015	Sucesor: Gregorio Pedro XX Kaproyean

[Biog-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 ^1,13 "ՆԵՐՍԷՍ ՊԵՏՐՈՍ ԺԹ. ԹԱՐՄՈՒՆԻ (1999-2015)" [Narsés Pedro XIX Tarmowni]. ARMENIAN CATHOLIC CHURCH - ՀԱՅ ԿԱԹՈՂԻԿԷ ԵԿԵՂԵՑԻ (armeniancatholic.org) (en armenio). Consultado o 9/11/2020.

[2] Ioannes Paulus II (13 de outubro de 1999). "Carta del Santo Padre Juan Pablo II a Su Beatitud Nerses Bedros XIX Tarmouni, en respuesta a la petición de comunión eclesiástica" [Carta do Santo Pai Xoán Paulo II á Súa Beatitude Narsés Pedro XIX Tarmowni, en resposta á petición de comuñón eclesiástica]. vatican.va. Consultado o 9/11/2020.

[3] "Մահացել է Ներսես Պետրոս ԺԹ-ն" [Morreu Narsés Pedro XIX]. armenpress.am (en armenio). 25 de xuño de 2015. Consultado o 9/11/2020. [...] հունիսի 25-ին Բեյրութի ժամանակով 08:45-ին Ներսես Պետրոս ԺԹ-ն մահացել է հիվանդանոցում՝ սրտի կաթվածից [o 25 de xuño ás 8:45 hora de Beirut, Narsés Pedro XIX finou no hospital dun ataque ao corazón]

[4] "Armenian Catholic Patriarch awarded posthumously". News.am (en inglés). 21/09/2015. Arquivado dende o orixinal o 09/10/2015. Consultado o 04/05/2016. The Patriarch was awarded St. Mesrop Mashtots medal for an exceptional contribution to the preservation and development of the spiritual values in the Diaspora (O patriarca foi distinguido coa medalla de San Mesrop Mashtots pola súa contribución excepcional á preservación e desenvolvemento dos valores espirituais na Diáspora).

[5] "ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ ՀՐԱՄԱՆԱԳԻՐԸ - ՏԱՆՆ ԿԻԼԻԿԻՈ ՆԵՐՍԵՍ ՊԵՏՐՈՍ ԺԹ ԿԱԹՈՂԻԿԵ ՀԱՅՈՑ ԿԱԹՈՂԻԿՈՍ-ՊԱՏՐԻԱՐՔԻՆ ՍՈՒՐԲ ՄԵՍՐՈՊ ՄԱՇՏՈՑԻ ՇՔԱՆՇԱՆՈՎ ՊԱՐԳԵՎԱՏՐԵԼՈՒ ՄԱՍԻՆ" [Decreto do Presidente da República de Armenia - Premiando ao Catholicos-Patriarca de Cilicia dos católicos armenios Narsés Pedro XIX Tarmouwni coa Orde de San Mesrop Mashtots]. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀ (president.am) (en armenio). 16 de setembro de 2015. Consultado o 9/11/2020.

[1]

[2]

[3]

[4]

[5]