Nairo Quintana

Na Galipedia, a Wikipedia en galego.


Nairo Quintana
Nairo Quintana, Vuelta al Pais Vasco 2013 (cropped).jpg
Información persoal
Nacemento 4 de febreiro de 1990 (24 anos)
Tunja, Boyacá
Nacionalidade Flag of Colombia.svg Colombia
Equipo
Último equipo Movistar Team
Perfil de corredor Escalador
Equipo(s) Pro
2009
20010-11
2012-13
Boyacá es para Vivirla
Café de Colombia/Colombia es Pasión
Movistar Team
Principais vitorias
Volta ao País Vasco 2013
Giro de Italia 2014

Nairo Alexander Quintana Rojas, nado en Tunja (Boyacá) o 4 de febreiro de 1990, é un ciclista profesional colombiano pertencente ao equipo Movistar Team de categoría UCI ProTour. Anteriormente correra como amateur e profesional no equipo boiacence Boyacá es Para Vivirla, destacándose como escalador.

Traxectoria[editar | editar a fonte]

Aprendeu a montar en bici de adolescente para ir á escola. No ano 2009 fichou polo equipo amateur Boyacá es para Vivirla, dirixido por Vicente Belda. Nese ano participou en probas europeas do UCI Europe Tour, como a Volta á Comunidade de Madrid, o Circuíto Montañés, a Clásica de Ordizia o Circuíto de Getxo e a Subida a Urkiola. En setembro dese ano participou na categoría sub'23 do Mundial de Mendrisio, rematando 26º na proba contrarreloxo e retirándose na proba en ruta.

En 2010 pasou ao equipo Café de Colombia-Colombia es Pasión, tamén de categoría Continental, dirixido por Luis Fernando Saldarriaga. Gañou o Tour do Porvenir e as dúas últimas etapas da proba.

En 2011 mantívose no equipo, que ascendeu de categoría e pasou a ser Profesional Continental. Isto permitiulle participar en probas do UCI WorldTour, como a Volta a Cataluña (onde gañou a clasificación da montaña), o GP Miguel Indurain, a Klasika Primavera ou a Volta a Castela e León.

En 2012 fichou polo equipo español Movistar, de categoría ProTeam. En marzo gañou a Volta a Murcia, da que gañou a primeira etapa. En maio foi segundo na Volta á Comunidade de Madrid. En xuño gañou a etapa destacada do Critérium do Dauphiné, con meta en Morzine. Á semana seguinte gañou a Ruta do Sur, logo de gañar a penúltima etapa. Na Volta a España foi gregario de Alejandro Valverde, e rematou no posto 36º, contribuíndo á vitoria na contrarreloxo por equipos inaugural disputada en Pamplona. Despois desa proba participou no Giro de Lombardía, e o Giro de Emilia, que acabou gañando.

Nairo Quintana na cronoescalada ao Col d'Èze na París Niza.

En 2013 rematou sétimo na Volta a Andalucía e undécimo na Volta a Murcia. En marzo rematou 15º na París-Niza. Á semana seguinte foi 4º na Volta a Cataluña, gañando unha etapa. En abril gañou a Volta ao País Vasco, logrando tamén unha etapa e o premio á regularidade[1]. En xullo participou no Tour de Francia; inicialmente ía como gregario de Alejandro Valverde, mais un problema técnico deste fixo que pasase a ser o mellor colocado do equipo. Finalmente acadou o 2º posto na clasificación xeral, o maillot de campión da montaña, e o trofeo de corredores novos. En agosto gañou a Volta a Burgos.

No ano 2014 gañou o Giro de Italia.

Palmarés[editar | editar a fonte]

Quintana, campión da Vuelta al País Vasco 2013.

2010

2012

2013

2014

Resultados en grandes voltas e campionatos do mundo[editar | editar a fonte]

Carreira 2012 2013 2014
Giro de Italia - -
Tour de Francia -
Volta a España 36º -
Mundial en Ruta MaillotMundial.PNG 69º -

-: non participa
Ab.: abandono

Equipos[editar | editar a fonte]

Notas[editar | editar a fonte]

  1. "Nairo Quintana, el hombre de los imposibles", artigo en El Tiempo, 6 de abril de 2013 (en castelán).

Véxase tamén[editar | editar a fonte]

Ligazóns externas[editar | editar a fonte]