Nacionalismo andaluz

Na Galipedia, a Wikipedia en galego.
Bandeira utilizada por algunhas organizacións nacionalistas

O nacionalismo andaluz é un movemento político e social que defende o recoñecemento de Andalucía como unha nación dentro de Europa.

Os principais partidos políticos que representan ó nacionalismo andaluz son o Partido Andalucista (PA), o Partido Socialista de Andalucía (PSA) e outros partidos máis minoritarios e independentistas como Nación Andaluza (NA) e Asamblea Nacional de Andalucía (ANA). Tamén cómpre nomear ó Sindicato de Obreros del Campo (SOC), ó Bloque Andaluz de Izquierdas (BAI) e ó grupo xuvenil Jaleo!!!.

Historia do nacionalismo andaluz[editar | editar a fonte]

A orixe do andalucismo data de arredor de 1870[1] cando un grupo de intelectuais comezou a interesarse polo folclore andaluz, fructificando na fundación do Ateneo de Sevilla, na aparición dalgunhas revistas e a primeira historia de Andalucía, publicada por Joaquín Guichot.

Bandeira de Andalucía recoñecida oficialmente na Asamblea de Ronda

A publicación do ensaio de Blas Infante, considerado polos andalucistas o pai da patria andaluza, Ideal Andaluz en 1914 supuxo a saída do pensamento andalucista dun reducido núcleo de intelectuais[2], en 1918 convocouse a Asamblea de Ronda, que serviu para crear a bandeira e o escudo de Andalucía.

Na II República Española o nacionalismo andaluz, da man de Blas Infante, consegue redactar un estatuto de autonomía para Andalucía, pero non chegaría a aprobarse debido ó estoupido da Guerra Civil trala sublevación militar de 1936. Durante a guerra e o franquismo, moitos andalucistas foron fusilados (como Blas Infante) ou marcharon ó exilio.

Non sería ata 1973 cando rexurdiría o nacionalismo andaluz en Andalucía Occidental da man de Alejandro Rojas Marcos, fundador do Partido Socialista de Andalucía, que máis tarde pasará a denominarse Partido Andalucista.

O 4 de decembro de 1977 uns dous millóns de persoas saen á rúa por toda Andalucía pedindo a autonomía, convocados por tódolos partidos políticos salvo a Unión de Centro Democrático. Tralo referendo do 28 de febreiro de 1980, apróbase o estatuto de autonomía.

Actualmente o nacionalismo andaluz actual ten como seña máis característica a bandeira nacionalista andaluza, que é a bandeira de Andalucía cunha estrela de cinco puntas vermella no centro, aínda que hai outras bandeiras nacionalistas, pero esta é a máis coñecida e empregada polos nacionalistas andaluces.

Notas[editar | editar a fonte]

  1. Rafael Sánchez Mantero Historia breve de Andalucía. Silex Ediciones, 2001, páxina 148
  2. Eduardo Sevilla Guzmán Aproximación sociológica al andalucismo histórico. Ayuntamiento de Córdoba, 1990, páxina 21

Véxase tamén[editar | editar a fonte]

Ligazóns externas[editar | editar a fonte]

Historia[editar | editar a fonte]

Partidos[editar | editar a fonte]

Outros[editar | editar a fonte]